هێنری: باشترین بژاردە بۆ رادەستی چەکەکانی پەکەکە، ئەمەریکایە

ئەستەمبوڵ - KDP.info /   بەرپرسێکی  پێشووی وه‌زاره‌تی ده‌ره‌وه‌ی ئه‌مه‌ریکا تایبەت بە کاروباری تورکیا و ڕۆژهه‌ڵاتی ناوەراست دەڵێت : ئه‌مه‌ریکا باشترین و گونجاوترین متمانه‌پێکراو دەزانێت که‌ په‌که‌که‌ له‌ پرۆسەی  چه‌کداماڵیندا چه‌که‌کانی راده‌ستی بکات.  پڕۆفیسۆر هێنری بارکێی شرۆڤەکاری  سیاسی له‌ دیمانەیەکی‌ له ‌گه‌ڵ رۆژنامه‌ی میللییه‌ت رایگه‌یاند: ئاماژه‌کان ئه‌و ده‌رده‌خه‌ن که‌ پارتی کرێکارانی کوردستان و حکوومه‌تی تورکیا له‌ پڕۆسه‌ی ئاشتیدا جدین و به‌ دوای کۆتایی هاتنی شه‌ڕدا دەگەڕێن.  مه‌سه‌له‌ی چه‌کدانانی په‌که‌که‌ مه‌سه‌له‌یه‌کی کۆتاییه‌ و ئێستە قسه‌کردن لەمبارەوە پێموایە  زووه‌. هێنری بارکێی ئەوەشی خستە روو: که‌ ئه‌و پارته‌ ئاماده‌ نابێت چه‌که‌کانی راده‌ستی ده‌سه‌ڵاتی کوردی له‌ عێراق و هاوکات تەسلیم بە حکوومه‌تی تورکیا بکات و لێرەدا رۆلی ئەمەریکا پێوست دەبێت و واشی دەبینم کە ئه‌مه‌ریکا له‌و باره‌یه‌وه‌ ‌ باشترین بژارده‌ بێت.