چوار پروژەیێن پەروەردەیێ ل ناحیا دێرەلوكێ دهێنە چێكرن
دێره‌لوكێ- KDP.info/ ژبوی پتر خزمەتكرنا كەرتێ پەروەردێ ل سنورێ ناحیا دێرەلوكێ ئەوا سەر قەزا ئامێدیێ ڤە بریار هاتیە دان كو چوار پروژەیێن پەروەردەیێ بهێنە چێكرن وگوژمێ پتر ژ 2 ملیار دینارا بو هاتینە تەرخانكرن.
دڤێ واریدا رێڤەبەرێ ناحیا دێرەلوكێ (بەهمەن ئەحمەد) دبێژیت : ژبوی پتر خزمەتكرنا كەرتێ پەروەردێ ل سنورێ ناحیا دێرەلوكێ پتر ژ 2 ملیار دینارا بو چوار پروژەیێن پەروەردێ هاتینە مەزاختن ژوانا ژی گوژمێ 740ملیون و992هزار دینارا ن بو ئاڤاكرنا ئاڤاهیێ باخچەیەكێ زارویان یێ 6 رێزی ل سەنتەرێ ناحیا دێرەلوكێ هاتینە تەرخانكرن،وكوژمەیێ 746ملیون و932 هزار دیناران بو چێكرنا ئاڤاهیێ باخچەیەكێ زارویان ل كومەلگەها شێلادزێ هاتینە تەرخانكرن،وگوژمێ 504 ملیون 544 هزار دیناران بو چێكرنا ئاڤاهیێ قوتابخانەكا 9 رێزی بو كریستیانێن ناحیا دێرەلوكێ هاتینە تەرخانكرن،ورازیبوون هاتیە كرن لسەر دروستكرنا قوتابخانەكا 6 رێزی ل گوندێ هلورا ئەوا سە ر ب ناحیا دیرەلوكی ڤە .
