ل ئامێدیێ روژا ژینگەها كوردستانێ هاتە ساخكرن
ئامیدی- تایبەت ب KDP.info/ ل روژا سێ شەمبی رێكەفتی 16ی نیسانا 2013 رێكخراوا وەرا یا ڤەكولین و گەشەپێدانێ ل ئامێدیێ روژا ژینگەها كوردستانێ كو دكەڤیتە 16ی نیسانا هەر سال ساخكرەڤە و ب ڤێ هەلكەفتی چالاكیێت تایبەت ئەنجام دان .
ول هولا قائمقامیا دەڤەرا ئامێدیێ رێكخراوا وەرار هەڤجەمیانەك ئامادەكر بو لایەنێت سیاسی و ئیداری و تایبەتمەندێت بیاڤێ ژینگەهێ و سەنتەرێ رەوشەنبیری و كەسێن كاریگەر د جڤاكێ نافخویی دا هەی، و ل پێشەكی بەرێز( كاوە محمد ئامێدی ) سەروكێ رێكخراوا وەرار بخێرهاتن ل ئامادەبویا كر و دەقیقەك راوەستیان ل سەر گیانێ پاكێ شەهیدێن كورد و كوردستانێ و پیروزباهی ل هەمی خەلكێ كوردستانێ ب گشتی و دەڤەرا ئامێدیێ ب تایبەتی كر ب هەلكەفتا روژا ژینگەهێ یا كوردستانێ و د پەیڤەكێ دا گرنگیا بابەتێ پاراستنا ژینگەهێ وەك ئەركەكێ نەتەوەیی و ئەخلاقی دیار كر ، و دیسان بەحسێ رولێ رێكخراوێ كر د ڤی بیاڤێ پر گرنگ دا و بەرپرسیاتیا جڤاكێ نافخویی هەمبەر باشتركرنا رەوشا پاراستنا ژینگەهێ ب هەمی پێكهاتیێت خوڤە .
پاشان دەلیڤە دا بەرێز (محمد محسن) سەروكێ جڤاتا پێشڤەبرنا ئامێدیێ وەك كەسایەتیەكێ كاریگەری هەی د جڤاكێ نافخویی دا و دیسان وەك ئێك ژ هێمایێت دەڤەرێ بو پالپشتیكرنا وی یا بەردەوام بو بابەتێ پاراستنا ژینگەهێ سیمینارەكێ لدور بابەتی پێشكێشكەت ، د سیمینارا وی دا روناهی ئێخستە سەر هەمی لایەنێت ژینگەهێ و چاوانیا كاركرن پێخەمەت پاراستنا وێ و دیسان ب شێوێ زانستی و داتایێن نێڤدەولەتی سیمینارا خو دارشتبو .
رێكخراوا وەرار بەرنامەك دارێتیە بو ئەنجامدانا (گەشتەكا ژینگەهی) بو قوتابخانا ریبار یا نمونەیی ل ئامێدیێ بو دەڤەرا بەرێ سیلێ دیسان بەلاڤكرنا پوستەر و ئارمێت تایبەت ب ڤێ روژێ ل سەنتەرێ ئامێدیێ .
وب شێوەكێ گشتی رێكخراوا وەرا بەرنامە هەنە ب هەماهەنگی و هەفكاریا گشت لایەنێت پەیوەندیدار داكو ئامادەكاری بهێنە كرن بو روژا جیهانی یا ژینگەهێ كو دكەڤیتە (5/6/2013) و ب شێوەكێ عەمەلی و ب رێكا ئەنجامدانا زبارا دێ هێنە كرن ، داكو هوشیاریا ژینگەهی ل دەف جڤاكێ نافخویی ب هێز تر ببیت و ژینگەها ساخلەم بهێتە ب دەستڤەئینان و ئایندەكێ گەش بو نەڤیێت خو دابین كەین ئایندەی .
