پارێزگاری كەركووك بۆ باش رانەپەراندنی کارەکانیان هۆشداری بە کۆمپانیاکان دەدات

کەرکووک-KDP.info/ پارێزگاری كەركووك دکتۆر نەجمەدین عومەر هۆشداریدا بەلێسەندنەوەی پرۆژەی کارەکان لە كۆمپانیا بەڵێندەرەكان ئەگەر بێتو ساخبێتەوە کە كەمتەرخەمی لە کارەکانیان دەکەن و پەیوەست نین بەو رێنماییانەی كە بۆ جێبەجێكردنی پرۆژەكان لەڕوی كات‌و مەرج‌و لێهاتوییەوە بۆیان دانراوە، پارێزگاری كەركووك لە كۆبونەوەی هەفتانەیدا لە گەڵ بەڕێوەبەرانی فەرمانگە خزمەتگوزاریەكان راگەیاندووە: کە ئەوان بە توندی لێپرسینەوە لە گەڵ هەموو ئەوکەسانە دەكەن كە پەیوەست نابن بە ڕێنماییەكانمانەوە، چونكە ئامانجی کارگێری پارێزگەی کەرکووک خزمەتكردن‌و ئاوەدانكردنەوەی ئەو شارەیە کە لەرووی خزمەتگوزارییەوە نەگەیشتۆتە ئاستی پێویست.