رێڤەبەرێ كارگەها گلێشی ل كواشێ:ژ سەرجەمێ 70 كرێكاران 20 كرێكار ژبەر بێهنا گلێشی توشی نەخوشیا بونە
دهۆک- تایبەت ب KDP.info / رێڤەبەرێ كارگەها ڤاڤارتنا گلێشی ل كواشێ دیاركر: روژانە 200 تا 300 تەنێن گلێشی ل سنورێ پارێزگەها دهۆكێ دهێتە هاڤێتن و دگەهیتە بەردەستێ وان 40% خارنە و 10% رووەكن، 50% كارتون و ئاسن و فافون و لایلون چەندێن مادێن دینە.
ئەندازیار ئیسماعیل سەعدی بەكر رێڤەبەرێ كارگەها ڤاڤارتنا گلێشی ل كواشێ بو kdp.infoخویاركر: هژمارا كارمەندێن كارگەها ڤاڤارتنا گلیشێ دكێمن پێدڤی یە هژمارا وان زێدەتر لێ بهێت و گوت نوكە ئەو گلێشێ دگەهیتە بەردەستێ وان 15 تا 25% ژێ دهێتە هاڤێتن بەلێ ئەگەر هژمارا كرێكارێن وان زێدەتر لێ هاتن دێ رێژا هاڤێتنێ كێمترلێ هێت دێ پتر مفا لێ هێتەوەرگرتن.
ئایا تانوكە چ كرێكارێن كارگەهێ توشی چ نەخوشیا نەبویە ژ بەر بهنا گلێشی ئێسماعیل راگەهاند تا نو هیچ كرێكارەك توشێ چو نەخوشێن گران نەبویە، بەلێ ژ ئەگەرێ هاڤێتنا گلێشێ كارمەندێن ساخلەمیێ دەرزیكەت چویە ددەستێ كرێكارەكێ وان را و كارتێكرن ل دەستێ وی هاتەكرن و كارێ خۆ هێلایە گوت بێهنەكا گەلەكا نەخوش و دوژوار ل گلیشێ دهێت ژبەر بهنا گلیشی ژ سەرجەمێ 70 كرێكارا تا نوكە 20 كرێكار هاتینە هنگاڤتن و چوونە نەخوشخانێ و نوژدارێن تایبەتمەند مولەتێن فەرمی داینە وان كرێكاران كو نابیت ئەو لێ ناڤ كارگەهێ دا ڤاڤارتنێ بكەت، ئەم مەجبور بونە ل دەرڤەی كارگەهێ بدەینە كاری.
ناڤبری زێدەتر خویاكر پێدڤی بوو ئەو كارمەندێن دەستپێكێ ل كارگەهێ بهێنە وەرگرتن لژنا پژیشكی بو دیاركربا كا ئەو دێ دشێن كاركەن یان نە.
ژبەر بهێنڤەدانێن فەرمی كرێكارێن كارگەها گلێشی ب ڤاڤارتنا گلێشی را ناگەهن و ژبەر ڤێ چەندێ هژمارەكا كرێكاران هاتینە زێدەكرن ل روژێن بهێنڤەدان و شەمبیا ژی دێ كاركەن بو هندێ ئەو گلێشێ دهێتە هاڤێتن بهێتە ڤاڤارتن داكو ڤێرا بگەهین.
داهاتێ كارگەها گلێشی ل كواشێ تێرا مەزاختنا وێ ناكەت ئێسماعیل دبێژیت ل هەمو وەلاتان داهاتێ چو كاركەگەهێن گلێشی تێرا پێدڤێن كارگەهێ ناكەت، ئەڤ كارگەهە بویە ئەگەر كو هژمارەكا گەنجێن دهۆكێ بكاربكەڤن و ژێدەرێ هەرەسەری یێ پاقژیا ژینگەهێ یە، دڤێ كارگەهێ دا هەمی جورێن پلاستیكی و ئاسنی ئەلەمنیومی دهێنە فروتن، نیڤا بەرهەمێ كارگەهێ جورەكێ زبلی یە (كومپوس) كەسكاتی مفایەكێ مەزن لێ دبینیت، بەلێ هەتا نوكە جوتیارێن دهۆكێ فێل نەبوینە بكاربینن دبێژن بێهن لێ دهێت، داخاز ل رێڤەبەرێن میری هاتیەكرن كو وەرن بخو بو كەسكاتی ڤێ جورێ كومپوسی بەلاش ببەن بەلێ ناهێن دبێژن بێهن لێ دهین
