شاندەكێ رێڤەبەریا رێك و پرا یا پارێزگەها دهوكێ قەستا ئامێدیێ كر
ئامێدیێ-KDP.info/ شاندەكێ رێڤەبەریا رێك و پرا یا پارێزگەها دهوكێ كو پێكهاتبو ژ بەرێزان (ئەندازیار امین حسین رێڤەبەرێ گشتی و ئەندازیار حسین ابراهیم بریكارێ رێڤەبەری و ئەندازیار خدیجە محمد رێڤەبەرا رێك وپرا و ئەندازیار احمد رشید ژ رێڤەبەریا نیژەنكرنا رێكا و دیسان بەرێزان مصتەفا امین امین و یونس محمد سلیم كو ئەندازیارێن رێڤەبەریا رێك و پرانە)، شاندێ مێهڤان ژ لایێ بەرێز (محمد محسن) سەروكێ جڤاتا پێشڤەبرنا ئامێدیێ و نوێنەرێت باهرا پتر ژ پێكهاتیێت ئامێدیێ ڤە ب گەرمی هاتنە پێشوازیكرن .
پاشان بەرێز(محمد محسن) ب درێژی بەحسێ سەروبەرێ ژێرخانا ئابوریا دەڤەرێ كری و گرنگیا رێك و پرا و پێدڤیاتیێت دەڤەرێ بو ڤی بیاڤی، بەرێز ئەندازیار (امین حسین) ب درێژی بەحسێ پلانێن فەرمانگەها وان كرن بو بابەتێ رێك و پرا كو دیارە چەندین پروژا ب خوڤە دگریت و جهێ دلخوشیا جەماوەرێ دەڤەرێ نە ب گشتی و دیسان بەحسێ بابەتێ مەسارا رێكا جووت سایدی یا ئامێدیێ كر و گوت ئەم ئامادەینە بو تێبینی و بوچونێت خەلكێ دەڤەرێ و بەرێز سەروكێ جڤاتا ئامێدیێ سوز دانە وان كو دێ ژ هەمی لایەكی ڤە د هاریكاربن بو سەرئێخستنا كارێ وان، هەروەسا پشتی مێهڤانكرنا شاندی و چەند هەڤالێت شولەژێ ل مالا بەرێز محمد محسن هاتنە مێهڤانكرن بو نیڤرو كو بەرنامێ وان پشتی نیڤرو جەولەكا مەیدانیە بو جهێ پێشنیاركری بو رێكێ و دێ قەستا بەری بەرێ سیلێ كەن بو ژ نێزیكڤە دیتنا چاوانیا كاركرنێ د رێكێ دا كو رێڤەبەریا ناڤبری دەستپێكریە و بویە جهێ سوپاسی و دلخوشیا جەماوەرێ ئامێدیێ و دەڤەرێ.
