ره‌وشا په‌ناهندێن كه‌مپا دومیز دكومبونه‌كا دوو قولی دا
KDP.info-دهوك/ دوهی ئێڤاری 10-4-2013به‌رێز گورگیس شلیمون جێگرێ پارێزگه‌رێ دهوكێ پێشوازیا شانده‌كێ رێكخراوا كاروبارێن په‌ناهندا(UNHCR) ل ئیراق وكوردستان ودهوكێ ب سه‌روكاتیا خانم ( كلێر برگویس) به‌رپرسا رێكخراوێ ل ئیراقێ كر
. د كومبونه‌كێدا به‌حسێ ره‌وشا په‌ناهندێن كوردێن روژئاڤا ئه‌وێن ئاكنجیبوین ل كه‌مپا دومیز وئه‌و هاریكاریێن مروڤایه‌تی یێن حكومه‌تا كوردستانێ وسازیێن دن یێن مروڤایه‌تی پێشكێشی وان دكه‌ن ب گشتی هاته كرن. دیسان لایه‌كێ دیێ كومبونێدا به‌حسێ حه‌زا ڤه‌گه‌ریانا هنده‌ك په‌ناهندا هاته كرن كو دڤێن بزڤرنه وه‌لاتێ خو وچاوانیا ریكخستنا ڤه‌گه‌رینانا وان هاته كرن . جێگرێ پارێزگه‌رێ دهوكێ ته‌كه‌ز كر كو حكومه‌تا كوردستانێ به‌رده‌وام دێ هاریكاریا هه‌موو په‌ناهندا كه‌ت دیسان هه‌موو ئاسانكاریا بو وان خێزانان كه‌ت یێن حه‌زدكه‌ن ڤه‌گه‌رنه سه‌ر ئاخا خو . تێ زانین ل دوڤ ژێده‌رێن فه‌رمی ئاواره‌بونا كوردان ژروژئاڤایێ كوردستانێ بو هه‌رێمێ به‌ره‌ف كێمبونێ لێ هاتیه.
