وەزارەتی دارایی: چوار شەممە گشت پێشینەکان دابەشدەکرێت
ھەولێر-تایبەت بەKDP.info/ بریکاری وەزارەتی دارایی حکوومەتی ھەرێمی کوردستان ئاشکرایکرد، رۆژی چوار شەممە دەست دەکەین بە دابەش کردنی گشت پێشینەکان لە ھەرێمی کوردستان
رەشید تاھیر بریکاری وەزارەتی دارایی حکوومەتی ھەرێمی کوردستان بە kdp.infoراگەیاند: دوا بە دوای دەرکردنی رێنمایی بۆ بودجەی ئەمساڵی ھەرێمی کوردستان بریارمان داوە لە رۆژی چوار شەممەی داھاتوو، کە دەکاتە 10ی ئەم مانگە گشت پێشینەکان خەرج بکرێن و ھاوڵاتیان دەتوانن سەرەدانی بانکەکانی حکوومەت بکەن بۆ وەرگرتنی پێشینەکان.
رشید تاھیر گوتیشی: پێشینەکان بەردەوام دەبێت و ھیچ وادەیەکیش نییە بۆ راگرتنیان.
ماوەی نزیکەی 5مانگە وەزارەتی دارایی حکوومەتی ھەرێمی کوردستان گشت پێشینەکانی راگرتووە بە مەبەستی پەسەند کردنی بودجەی ئەمساڵی ھەرێمی کوردستان و دەرکردنی رێنمایی بۆ بودجە.
