پارێزگه‌رێ دهوكێ پێشوازیا كونسلێ ئیتالیا دكه‌ت
دهوك- KDP.info/ ته‌مه‌ر ره‌مه‌زان پارێزگه‌رێ دهوكێ پێشوازیا (سیمون دی سانتی) كونسلێ وه‌لاتێ ئیتالیا ل كوردستانێ وشاندێ دگه‌لدا كر. دهه‌ڤدیتنه‌كێدا به‌حسێ په‌یوه‌ندیێن دوو قولی دناڤبه‌را ئیتالیا وهه‌رێما كوردستانێ بگشتی وئیتالیا وپارێزگه‌ها دهوكێ ب تایبه‌تی وبه‌رده‌وام خورتكرنا ئاستێ وان په‌یوه‌ندیان هاته كرن
دیسان دلایه‌كێ دی یێ هه‌ڤدیتنێ دا به‌حسێ په‌یوه‌ندیێن ئیتالیا دگه‌ل زانكویا دهوكێ ورێڤه‌به‌ریا گشتی یا ساخله‌میێ هاته كرن . پارێزگه‌رێ دهوكێ سوپاسیا حكومه‌تا ئیتالیا كر ل دور ئه‌و هاریكاریێن مروڤایه‌تی یێن دبوارێ ساخله‌میێ دا بو چاره‌سه‌ركرنا نه‌خوشیێن زاروكێن ده‌ڤه‌رێ ئه‌نجامده‌ن وخواست كونسلێ ئیتالی هاندانا سه‌رمایدار وكومپانیێن ئیتالی بكه‌ت كو قه‌ستا ده‌ڤه‌رێ بكه‌ن وپروژێن وه‌به‌رهێنانێ ئه‌نجامده‌ن وبه‌رهه‌ڤیا خو بو هه‌ر پشته‌ڤانییه‌كێ نیشان دا.
