سەرۆکی هەرێمی کوردستان سەرەخۆشیی لە خانەوادەی تێکۆشەری ناسراو ئیسماعیل عەبوش دەکات
بەناوی خوای بەخشندە و میهرەبان
بۆ خانەوادەی پێشمەرگەی ماندوونەناس ئیسماعیل عەبوش
بەداخەوە هەواڵی کۆچی دوایی پێشمەرگەی هەردوو شۆڕشی مەزنی ئەیلوول و گوڵان، کاک ئیسماعیل عەبوش - مان پێگەیشت. خوالێخۆشبوو کەسایەتی و تێکۆشەرێکی دیاری دەڤەری زاخۆ بوو و تا لەژیاندا بوو پێشمەرگەیەکی دڵسۆزی گەل و وڵاتەکەی بوو و شانازیی ئەوەشی هەبوو کە خاوەنی میدالی بارزانیی نەمر بوو.
بەو بۆنە خەمناکەوە خۆم بە هاوبەشی خەمتان دەزانم و لە خوای گەورە داواکارم بیخاتە بەر دلۆڤانیی خۆی و دڵنەواییش بە هەموو لایەک ببەخشێت.
انا لله و انا الیه راجعون
مسعود بارزانی
سەرۆکی هەرێمی کوردستان
٧/٤/٢٠١٣
