چاوانیا خوپاراستن و ئاگرڤه‌مراندنی ل په‌یمانگه‌ها تەكنیكیا ئامێدیێ هاته به‌حسكرن
ئامێدیێ -KDP.info/ ژبو خوپاراستن ژ ریدانێن ئاگری و چاوانیا ئاگرڤه‌مراندنێ ل ده‌مێ هه‌ر رویدانه‌كا ئاگری، لیژنا ته‌ندروستی و سه‌لامه‌تیا پیشه‌یی ل په‌یمانگه‌ها ته‌كنیكی یا ئامێدیێ سمیناره‌كا تایبه‌ت ل ژێر ناڤێ چاوانیا خوپاراستن و ئاگرڤه‌مراندنێ بو نقیب بێوار عبدالعزیز حمید به‌رپرسێ خولێن ئاگرڤه‌مراندنێ ل دهوكێ سازكر.
ب به‌رهه‌ڤبوونا هه‌ژماره‌كه زور ژ قوتابیێن هه‌موو پشكێن په‌یمانگه‌هێ ل روژا 2/4/2013 ل هولا په‌یمانگه‌هێ سمیناره‌كا تایبه‌ت ل دوور چاوانیا خوپاراستن و ئاگرڤه‌مراندنێ برێڤه‌چوو.
د ده‌ستپێكا سمینارێ دا نقیب بێوار عبدالعزیز حمید به‌رپرسێ خولێن ئاگرڤه‌مراندنێ ل دهوكێ، ب نچریب درێژی به‌حسا جورێن ئاگربه‌ربوونێ و چاوانیا خوپاراستن و كونترولكرنا هه‌ر بویه‌ره‌كا ئاگری و رێك و شێوازێن كونترولكرن و ڤه‌مراندنا وی كر، هه‌روه‌ها ئاماده‌بوویان ب نه‌رین و پرسێن خو بابه‌ت ده‌وله‌مه‌ندتر كر و گه‌نگه‌شه كرن.
دوڤدا ژی مژار ب پراكتیك هاته ئه‌نجامدان و چاوانیا خوپاراستن و ئاگرڤه‌مراندنێ د ناڤ گوره‌پانا ئاڤاهیێ په‌یمانگه‌هێ دا، ب هه‌لكرنا ئاگره‌كێ و چاوانیا ڤه‌مراندنا وی ژ بال مفاوض عبدالستار ڤه بو قوتابیان هاته شروڤه‌كرن، د هه‌مان ده‌مێ دا ژی، قوتابیان ژی شێواز و چاوانیا ڤه‌مراندنا ئاگری ب پراكتیك ئه‌نجامدا و مفایه‌كێ زور ژ سمینارێ وه‌رگرتن.
