هەمی ماموستایێن پەروەردا ئامێدیێ دێ بەشداری خولابهێزكرنا خواندنێ بن

ئامێدیێ - KDP.info/ ژبوی بهێزكرن وكاراكرنا ئاستێ خواندنێ ل هەریما كوردستانێ كونسلخانا بریتانیا ل هەڤلیرێ بهەڤكاری دگەل ئێكەتیا ئەوروپا دەست ب ڤەكرنا خولان كریە بو ماموستایێن كوردستانێ و 2400 ماموستایێن سنورێ پەوەردا قەزا ئامێدیێ ژی دێ بەشداری ئەڤێ خولێ بن .

 سەرپەرشت وماموستایێ خولێ ناصر محمد سعید بو kdp.info راگەهاند : ئەزو سێ ماموستایێن دیتر لسنورێ قەزا ئامێدیێ بەشدارێ خولەكێ ببون ل هەڤلیرێ كو ژلایێ كونسلخانیا یریتانیا ڤە هاتبوو ڤەكرن ونها ئەم ل قەزا ئامێدیێ نە و دێ وانا بو سەرجەم ماموستایێن پەروەردا قەزا ئامێدیێ بێژین كو دێ بو ماوێ 5 روژان یا بەردەوام بیت .

وئاشكەرا ژی كر كو 2400 ماموستایێن پەروەردا قەزا ئامێدیێ دێ بەشدار بن وئەڤ خولە یا تایبەتە لدور بهێزكرن وپیشئیخستنا دەزگەهێن خواندنێ ل هەرێما كوردستانێ .