ڕاگەیێندراوی كۆبوونەوەی سەرۆكی هەرێمی كوردستان لەگەڵ لیژنەی گەڵاڵەكردنی هەڵوێستی هەرێم لە بەرانبەر بەغدا سەبارەت بە پرسی چاكسازی لە هەرێمی كوردستان

پێشنیوەڕۆی ئەمڕۆ دووشەممە 1ـی 4ـی 2013 بەڕێز مەسعود بارزانی سەرۆكی هەرێمی كوردستان لەگەڵ ئەندامانی لیژنەی گەڵاڵەكردنی هەڵوێستی هەرێم سەبارەت بە كێشەكانی نێوان هەرێم و بەغدا كۆبوویەوە. لەو كۆبوونەوەیەدا كە لە كەشوهەوایەكی پۆزەتیڤ بەڕێوەچوو بارودۆخی سیاسی و نێوخۆیی هەرێمی كوردستان و وەرقەی لایەنەكانی ئۆپۆزیسیۆن تاوتوێ كرا و كۆبوونەوەكە بڕیاری دا جەخت لەسەر سێ خاڵی سەرەكی بكرێتەوە:

1. هەڵبژاردنەكانی هەرێمی كوردستان لە وادەی خۆیدا ئەنجام بدرێت.
2. بڕیاری ژمارە 2ـی پارلەمان لە یەكەم ژمارەی ڕۆژنامەی وەقایعی كوردستان بڵاو بكرێتەوە.
3. هەردوو مەكتەبی سیاسیی پارتی و یەكێتی وەڵامی فەرمیی نامەی سێ لایەنەكەی ئۆپۆزیسیۆن بدەنەوە كە لە 24ـی 2ـی 2013 هەر سێ لایەنی ئۆپۆزیسیۆن لەسەر پرسی چاكسازی ئاراستەی پارتی و یەكێتییان كردووە.