بەرپرسێ هوبا دارستانا سێمێلێ:رێڤەبەریا رێك و پرا سەرپێچیا ژینگەهێ دكەت
KDP.info/ سالح رەشید بەرپرسێ هوبا دارستانا قەزا سمێلێ kdp،infoدیاركر سالانە ئەو رادبن ب چاندنا داروباران ل سەر رێكێن سەرەكێ بەلێ ژلایێ رێڤەبەریا رێك و پرا ل پارێزگەها دهۆكێ سەرپێچیا ژینگەهێ دهێتەكرن و پلا ئێكی دهێت بو نەهێلانا دارێن شینكری، گوت گەلەك كارێن مە تێكدانە ئەو دارێن دچینین جارەكا دی ئەو خراب دكەن و د ئینەدەر، بو نمونە دەه هزار نەمامێن سوری مە ئینابون ل سەر لێڤا جادا سەرەكی یا دهۆكێ زاخۆ چاندبون، بەلێ رێڤەبەریا رێك و پرا جادە بەرفرهكر و كرە جووت سایدی بڤێ چەندێ هزار نەمامێن مەزن كەفتنە بەر جادێ ژوانا ئەم شیاێن 600 نەماما رزگاركەین ببەین ل جهەكێ دی بچینین، بەلێ گەلەك ژوان دێ هشك بن، یێن دی ژی هەمی ژناڤبرن.
ناڤبری خویاكر ژی: ژلایێ خودانێن كومپانیا و كارگەهێن ساردەمنیا و پانزیخانا ڤە ژی گەلەك سەر پێچیا ژینگەها سێمێلێ دهێتەكرن چونكە زور بەیا كارگەه و بانزینخانە ل سەر جادا دهێنە چێكرن ئەو دارێن مە چاندین هەمیا دئینەدەر ژینگەهێ تێكددەن.
خودانێن گەرش و كەوالان ژی پاراستنا ژینگەهێ ناكەن سالح رەشید گوت كەرش و كەوالێ دەڤەرێ سەرپێچیا ژینگەهێ دكەن و زوربەیا ئەو دارو بارێن ئەم ل سەر جادا و جهێن تایبەت دچینین ژلایێ پەز و بزنا ڤە دهێتە چەراندن، مە بزاڤكرن رێكا دهۆكی فەیدیێ بەرچان بكەین داكو دارێن مە نەهێنە چەراندن، بەلێ رێڤەبەریا رێك و پرا رێك نە دامە گوت ئەو جادە ژی یا دپلانا مە دا بهێتە بەرفرەهكرن
