ل ئامێدیێ دوو پروژێن پەروەردێ دهێنە چێكرن
دێرەلوك-KDP.info/ د به‌رده‌وامیا بجهكرنا كار و پڕۆژه‌یێن په‌روه‌رده‌یی ل سنۆرێ ده‌ڤه‌را ئامێدیێ، بگوژمێ پتر ژ یه‌ك ملیار دینارێن ئیراقی، دو پڕۆژه‌یێن په‌روه‌رده‌یی ل سنۆرێ ڤێ ده‌ڤه‌رێ دهێنه ئه‌نجامدان.
د ڤی واری دا حسێن خالد ده‌ڤه‌ردارێ ئامێدیێ بۆ kdp.infoخویاكر، گوژمێ 504 ملیۆن و 544 هزار دیناران بۆ چێكرنا ئاڤاهیێ قوتابخانه‌یه‌كا 9 رێزی بۆ مه‌سیحیێن ناوچه‌یێ ل سه‌نته‌رێ ناوچه‌یا دێره‌لۆك ل سنۆرێ ده‌ڤه‌ردارییا ئامێدیێ هاتینه ته‌رخانكرن و راگه‌هاند ژی ئه‌ڤ پڕۆژه‌یه دێ د هه‌یاما 270 رۆژاندا هێته بجهكرن.
دیسا گوژمێ 740 ملیۆن و 992 هزار دیناران بۆ ئه‌نجامدانا پڕۆژه‌یێ ئاڤاكرنا ئاڤاهیێ باخچه‌یێ زارۆیا یێ 6 رێزی ل دێره‌لوۆك هاتینه ته‌رخانكرن و ئاشكراكر، پڕۆژه‌یێ هان بۆ كۆمپانییا (شاهوار) یا قونته‌ران هاتیه شاندن و ته‌كه‌زكر ژی، ئه‌ڤ پڕۆژه دێ د هه‌یاما 280 رۆژان دا هێته چێكرن.
