رێڤەبەریا هاتن و چوونا ئامێدیێ پلانەكا رێك پێك دانایە بو خزمەتكرنا وەلاتیان

ئامێدیێ-KDP.info/ ژبوی پتر خزمەتكرنا خەلكێ دەڤەرا ئامێدیێ دروژانێن چەژنا نەوروزێ دا رێڤەبەریا هاتن وچوونا ئامێدیێ پلانەكا رێك پێك دانایە داكو بشێن كونترولێ لسەر روویدانان بكەن و پێشکێشکرنا ئاسانکاریان بو وه‌لاتیان دبوارێ هاتن و چوونێ دا و پولیسێن هاتنو چوونێ دێ ل وان جهان به‌رهه‌ڤبن ژ بو رێکخستنا کارێ هاتنوچوونێ .

جیدارێ ئێكێ نەقیب (بیار ئیبراهیم ) رێڤەبەرێ هاتن و چوونا قەزا ئامیدیێ بو kdp.infoراگەهاند : بو هه‌رسێ روژێن نه‌وروزێ مه‌ پلان و خشتێ کارێ دانایه‌، هه‌ر وه‌ک ئه‌م هاتین ئاگه‌هدارکرن دبیت ل چه‌ندین جهان ل سنورێ قه‌زا ئامێدیێ ژبو سه‌یران و ئاهه‌نگان خرڤه‌بوونا خه‌لکی په‌یداببیت و ئه‌گه‌ر هه‌یه‌ ل دوو جهان ئاهه‌نگ بهێنه‌ گێران یا ئیکێ ل ئه‌ره‌دنا و یا دووێ ژی ل مژێ، مه‌ژی وه‌ک هاتوو چوویا ئامێدیێ ژبۆ خزمه‌تا وه‌لاتیان و پێشکێشکرنا ئاسانکاریان بو وه‌لاتیان دبوارێ هاتن و چوونێ دا پلانه‌ک دانایه‌ و پولیسێن مه‌ دێ ل وان جهان به‌رهه‌ڤبن ژ بو رێکخستنا کارێ هاتنوچوونێ، و زێده‌باری جهێن ئاهه‌نگان پولیسێن هاتن وچوونێ دێل سه‌رسنگێ و ئه‌ره‌دنا و ئینشکێ و قه‌دشێ و سیلاڤێ و ئامێدیێ و مژێ و کانیا بێدلێ و هه‌رجهه‌کێ خه‌لک لێ کوم دبیت د ئاماده‌بن بو هه‌ر کاره‌کێ پێدڤی و رێکخستنا هاتن وچونا خه‌لکه‌کی کو خه‌لک بشێت بشێوه‌یه‌کێ باش و دلخوش گه‌شت و سه‌یرانێت خوببه‌نه‌ سه‌ری .