پولیسێن دهۆكێ پلانێن ئەمنی بو پاراستنا وەلاتیان دانانە
دهۆک- تایبەت ب KDP.info / رێڤەبەرێ پولیسێن پارێزگەها دهۆكێ راگەهاند بو روژانێن نەوروزێ سەرجەم كارمەندێن وان دێ دئەركی دابن بو پاراستنا وەلاتیان، گوت 23 مەفرەزە ژ پولیسێن هەوارهاتنێ هاتینە پێكئینان و ترومبێلێن دگەل دانە، هەر مەفرەزەكێ جهەك بو هاتیە دەستنیشانكرن دێ لێ ئامادەبن، هەر وەلاتیەكێ كێشەیەك هەبیت دشێت ددەمەكێ نێزیك دا پولیسیان ئاگەهداربكەت، بەردەوام ب شەڤ و روژ ل جهێن سەیرانیا دگەرن ئەگەر ئاریشەك پەیدابو دابشێن كنترول بكەن.
عەمید تارق ئەحمەد بو kdp.info دیاركر: هێزا ئامادە ل جهێن ئاهەنگێن وەلاتیاندا دێ ئامادەبن گوت 200 پولیسێن دی ل سەر میلاكێ پولیسێن نەهێلانا گونەهباریان زێدەكرینە و ژ دەه كەرتان پێكهاتینە ل گەرەك و گولانێن وەلاتیان دا جه بو هاتیە دەستنیشانكرن داكو چاڤدێریا مالێن خالی بكەن، چونكە گەلەك كەسێن نەفس نزم یێن هەین بیرەوەریان بخو دكەنە دەلیڤە دزیا دكەن. ئەڤ تیمە بو نەهیلانا دیاردا دزیێ هاتینە پێكئینان.
ئیماژەكر : ل هەمی قەزا و ناحێن سەر ب پارێزگەها دهۆكێ ڤە پلانێن ئێمناهیێ هاتینە دانان بو پاراستنا سەر و سامانێ وەلاتیان.
عەبدو لا نهێلی.
