15 ئاهەنگێن مەزن دێ ل دهۆكێ دێ هێنەگێران
دهۆک- تایبەت ب KDP.info/ ب هەلكەفتا هەتنا چەژنا نەوروزێ رێڤەبەریا گشتی یا گەشت و گوزارێ ل دهۆكێ پلان و بەرنامێن خۆ دبیاڤێ پێشوازیكرنا گەشتیاران دا دیاركرن.
رێڤەبەرێ گشتی یێ گەشت و گوزا رێ ل پارێزگەها دهۆكێ تایبەت بو kdp.info گوت بریارە سوبەهی روژا ئێكێ یا چەژنا نەوروزێ 15 ئاهەنگێن مەزن یێن هونەری ل جهێن سەرەكی یێن پارێزگەها دهۆكێ بهێنە گێران گوت پێشبینی دهێتەكرن ل هەر سێ روژێن چەژنێ دا 15 تا 20 هزار گەشتیار بهێنە جهێن گەشتیاری یێن سنورێ پارێزگەها دهۆكێ.
عوبەیدولا داود زێدەتر خویاكر بو وەرزێ بوهارێ و چەژنا نەوروزێ 140 ملیون دینار ژلایێ حكومەتا هەرێما كوردستانێ ڤە هاتینە تەرخانكرن ل جهێن گشتی و بو دانانا دەستئاڤا و جهێن دەست شوشتنێ، ل سنورێ پارێزگەهێ 90 دەستئاڤ و 60 جهێن دەست شوشتنێ هاتینە دانان بو خزمەتكرنا گەشتیاران.
ئاشكراكر كو چەندین تیم هاتینە پێكئینان بو پێشوازیكرنا گەشتیاران ل خالێن سەرەكی دێ راوەستن و پێشوازیا گەشتیاران كەن.
