حكوومەتی بەریتانیا پەیامێكی هاوخەمی بۆ ماتەمگێرانی یادی هەڵەبچە لە هەرێمی كوردستان دەنێریت
بەرێزئەلیستەر بێرت وەزیری كاروباری ناوچەی رۆژهەڵاتی ناوەراست لە وەزارەتی دەرەوەی بەریتانیا دوێنێ لە پەیامێك دا هاوخەمی حكوومەتی بەریتانیا بۆ گەلی كوردستان و ماتەمگێرانی یادی هەڵەبچەی شەهید دەردەبڕێت و لەو پەیامەدا هاتووە:
من شەرەف مەندم كە بەناوی حكومەتی بەریتانیایەوە ئەم پەیامە بۆ یادی ئەمڕۆ ( رۆژی هیوا لە هەڵەبچە ) و ماتەمگێران بنێرم، هەست و سۆزمان لەگەڵ ئێوەیە ئەمڕۆ یادی قوربانیانی ئەم كارەساتە، یادی ئەو خۆشەویستیانە دەكەینەوە كە لە پرۆسەی ئەنفال بێ سەروشوێنكراون.
هەروەها ئەمرۆ بەتایبەت یادی كارەساتی هێرشی سەر هەڵەبچەیە، كە هەمیشە لەناو دڵ و یادگاریەكانمان وەكو ناخۆشترین سمبۆڵی نامرۆڤایەتی دەمێنێتەوە، لەم رۆژەدا خۆمان بە هاوبەش لەگەڵ رۆژی هیوا دەزانین كە روو لە ئایندە بكەین بۆ ئاشتی و خۆشگوزەرانی زیاتر.
