هەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بۆ کۆچی دوایی هونەرمەند و ئەکتەری خاوەن ئەزموونی کوردستان، خوالێخۆشبوو (عەبدولسەلام سلێمان)، پرسەنامەیەکی هاوخەمیی ئاراستەی بنەماڵەکەی و هونەرمەندانی کوردستان کرد.
دەقی پرسەنامەکەی بەشی ڕۆشنبیری و ڕاگەیاندنی پارتی دیموکراتی کوردستان:
پرسەنامەی بەشی ڕۆشنبیری و ڕاگەیاندنی پارتی دیموکراتی کوردستان بۆ کۆچی دوایی هونەرمەند (عەبدولسەلام سلێمان)
بە خەم و پەژارەیەکی زۆرەوە، هەواڵی کۆچی دوایی هونەرمەند و ئەکتەری کوردستان، خوالێخۆشبوو (عەبدولسەلام سلێمان)ـمان پێگەیشت. خوالێخۆشبوو هونەرمەندێکی دڵسۆز، بەتوانا و خاوەن ئەزموونێکی دەوڵەمەند بوو.
بە بۆنەی ئەم کۆستە ئازاربەخشەوە، پرسە و هاوخەمیی خۆمان ئاراستەی بنەماڵەی خوالێخۆشبوو و هونەرمەندان کوردستان دەکەین.
لە خوای گەورە داواکارین گیانی خوالێخۆشبوو بە بەهەشتی بەرین شاد بکات و ئارامی و سەبووری بە کەسوکار، دۆستان و هەڤاڵانی ببەخشێت.
بەشی ڕۆشنبیری و ڕاگەیاندنی پارتی دیموکراتی کوردستان
٢٦ـی ٩ـی ٢٠٢٦