هه‌ولێر-KDP.info- مەسروور بارزانی سەرۆکی حکوومەتی هەرێمی کوردستان سەرەخۆشی لە دکتۆر بەرهەم ساڵح، سەرۆککۆماری پێشووی عێراق کرد بۆ کۆچی دوایی ڕۆژنامەوان بەڵێن ساڵحـی برای.
ئێوارەی ئەمڕۆ دووشەممە 31ی ئاداری 2025، سەرۆکی حکوومەتی هەرێمی کوردستان لە پەیوەندییەکی تەلەفۆنیدا، پرسە و سەرەخۆشی و هاوخەمی خۆی بە بەرهەم ساڵح گەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵەکەیان ببەخشێت.
دکتۆر بەرهەم ساڵح، بە ناوی بنەماڵەکەیەوە، سوپاس و پێزانینی بۆ پەیوەندیی و هاوخەمی سەرۆکی حکوومەت دەربڕی.