ھەولێر-KDP.info- کەشناسی ھەرێمی کوردستان لە ڕاگەیەندراوێکدا بڵاویکردەوە، بەیانی ٢٣ی شوباتی ٢٠٢٥، بەفر لە زۆربەی ناوچە بەرزەکانی ڕۆژھەڵات و باکووری ڕۆژھەڵاتی ھەرێمی کوردستان بەشێوەی پچڕ پچڕ بەفر دەبارێت. ھاوکات لە سەنتەری پارێزگای سلێمانی و ھەڵەبجەش بەفر دەبارێت، ھەروەھا بەفرێکی کەم لە سەنتەری پارێزگای ھەولێر و کەرکووک دەبارێت.
"بەفربارینەکە جگە لە سەنتەری شارەکان، قەزا و ناحیەکانی سنووری ھەردوو پارێزگای سلێمانی و ھەڵەبجە و ئیدارەی سۆران دەگرێتەوە".
ئەو کەشناسە گوتیشی: "بەفربارینی ھەولێر و کەرکووک کەم دەبێت لەشێوەی کڕێوە، دۆخی کەشوھەواش تاوەکو چوارشەممە بەو شێوەیە دەمێنێتەوە".
بە گوێرەی کەشناسیی ھەرێمی کوردستان، ئەمڕۆ بەراورد بە دوێنێ، پلەی گەرما نزیکەی سێ پلە دادەبەزێت و سبەی بەراورد بە ئەمڕۆ دوو بۆ چوار پلەی دیکە دادەبەزێت.
بەرزترین پلەکانی گەرمای پێشبینیکراویش بۆ سبەی یەکشەممە بەمشێوەیە دەبێت:
ھەولێر: ٦ پلەی سیلیزی
سلێمانی: ٢ پلەی سیلیزی
دھۆک: ٤ پلەی سیلیزی
زاخۆ: ٥ پلەی سیلیزی
ھەڵەبجە: ٣ پلەی سیلیزی
کەرکووک: ٧ پلەی سیلیزی
گەرمیان: ٧ پلەی سیلیزی