دھۆک-KDP.info- پسپۆڕەکێ پەیوەندیێن نێڤدەولەتی دیارکر، پشکداریکرنا سەرۆکێ ھەرێما کوردستانێ لە کۆنفرانسا ئاسایشا میونشین و بەشداریکرنا سەرۆکێ حکوومەتا ھەرێما کوردستانێ ل گوپیتکا حکومەتان ل ئیمارات، دووپاتکرنە ل سەر حەزا پشکداریکرنەکا کارایە ل بزاڤێن نێڤدەولەتی ژبو ئاڤاکرنا پاشەروژەکا باشتر وبھێزکرنا رۆلێ ھەرێما کوردستانێ وەک شریکەکێ کاریگەر و باوەری پێ کری ل کومەلگەھا نێڤدەولەتی.
دکتۆر سەعدی یەحیا مامۆستا ل زانکۆیا دھۆک و پسپۆڕێ یاسایێن نێڤدەولەتی، دداخویانیەکا تایبەت بو ماڵپەڕێ فەرمیێ پارتی دیموکراتی کوردستان، سەبارەت ب پشکدارییا دبلۆماسیا سەرۆکێ ھەرێما کوردستان و سەرۆکێ حکومەتێ ڕاگەھاند: پشکداریکرنا سەروکێ ھەرێما کوردستانێ نێچیرڤان بارزانی د کونفرانسا نێڤدەولەتیا میونشن یا ئیمناھیێ گەلەگ گرنگیا خوھەیە ھەر وەسا دەلیڤەکا زێرینە ژبو بھێزکرن و پێشڤەبرنا پەیوەندیێن دووقۆلی و پاڵپشتیکرنا سەقامگیریا دەڤەرێ و رووبرووکرنا مەترسیێن ئاسایشێ یێن ھەڤپشک.
د. سەعدی زێدەتر گوت: بێ گومان بابەتێ پاراستنا ئاشتی و ئاسایشا نێڤدەولەتی ئێک ژ ئارمانجێن سەرەکیێن رێکخراوا نەتەوێن ئێکگرتی یە و ئەرکەکە ل سەر دەولەتێن ئەندام و ھەمی لایەنان ب ھەمی شیان ھەولبدەن بو پاراستنا ئاشتی و ئاسایشا نێڤدەولەتی لسەر ئاستێ دەڤەرێ و جیھانێ، لەورا پشکداریکرنا سەروکێ ھەرێما کوردستنانێ د کونفرانسا میونشن دەربرینە ژ حەز و خەمخوریا ھەرێما کوردستنانێ وەک یاریگەرەکێ سەرەکی بو چارەسەرکرنا کێشە و نەھێلانا مەترسیێن تێکدانا ئاشتی و ئاسایشا نێڤدەولەتی.
ھەر ل سەر ڤی مژاری، ئەو مامۆستایێ زانکۆیێ گوت: پشداریکرنا سەروکێ ھەرێمی د چارچوڤێ ئیستراتیجیا ھەرێما کوردستانێ ھەولەکێ گرنگە بو پێشڤەبرنا پەیوەندیێن دیبلوماسی و پشکداریکرن د سیاسەتا نێڤدەولەتی دا بو سەقامگیریا دەڤەرێ و دووپاتکرنە ژ پێگەھا ھەرێما کوردستانێ وەک شریکەکێ سەرەکی دناڤ ھەولێن نێڤدەولەتی بو نەھێلانا تیرۆرێ، ھەر وەسا دەلیڤەکە بو گرنتیکرنا مافێن کوردێن روژئاڤا ل سوریێ ب شێوەکێ گشتی و گرنتیکرنا بابەتێن گرنگ بو ھەرێما کوردستانێ بشێوەکێ تایبەت وەکی گرنتیکرنا پشتەڤانیا بەردەوام بو بێشمەرگەھی و پێشڤەبرنا پەیوەندیێن ئابوری یێن دووقولی بو بھێزکرنا ئابورێ کوردستانێ و چارەسەرکرنا بابەتێن گرێدای ب کوچکرنێ و پەنابەریێ.
ل ھەمبەر پشکدارییا فەرمییا سەرۆکا حکوومەت دگوپیتکا جیھانییا حکوومەتان ل ئیماراتێ، دکتۆر سەعدی گوت: پشکداریکرنا سەروکێ حکومەتا ھەرێما کوردستانێ مەسرور بارزانی دگوپیتکا جیھانی یێن حکومەتان ل دوبەی گرنگیا بێ سنور ھەیە وەک پلاتفورمەکێ گرنگ بو پشکداریکرنا سەرکردێن جیھانێ وحکومەتان بو گەنگەشەکرن و چارەسەرکرنا پرس و بابەتێن گرنگ ل دەڤەرێ و پەیداکرنا ھاریکاریا نێڤدەولەتی بو چارەسەرکرنا کێشێن نیڤدەولەتی یێن ئاشتی و ئاسایشا نێڤدەولەتی و ئابووری و جڤاکی و رەوشەنبیری و مروڤایەتی ژ ئارمانجێن رێکخراوا نەتەوێن ئێکگرتی یێن سەرەکی یە و لەورا دەلیڤەکا زێرینە بو چاڤپێکەتن دگەل سەرکردێن جیھانێ بو گەنگەشەکرنا پرسێن گرنگ و ئالوگورکرنا بوچوونان لدور چاوانیا چارەسەرکرنا کێشان ل دەڤەرێ.
زێدەتر گوت: پشکداریکرنا ھەرێما کوردستانێ دووپاتکرنە لسەر حەزا پشکداریکرنەکا کارایە ل ھەولێن نێڤدەولەتی ژبو ئاڤاکرنا پاشەروژەکا باشتر و بھێزکرنا رۆلێ ھەرێما کوردستانی وەک شریکەکێ کاریگەر و باوەری پێ کری ل کومەلگەھا نێڤدەولەتی و ھەروەسا دەلیڤەکا زێرینە بو بھێزکرنا پەیوەندیێن دووقولی ژبو پێشڤەبرنا بەرژەوەندیێن ھەرێما کوردستانێ یێن ئابووری و وەبەرھینان و بازرگانی و گەشەپێدان و ھەمەجورکرنا ژێدەرێن داھاتی بو بەرزکرنا پێگەھێ ھەرێما کوردستانێ و رەنگڤەدانەکا ئەرینی لسەر ئاستێ گەشەکرنا ئابووری و باشترکرنا ژیانا ھاولاتیان.
سەلاح جەلال