هەولێر-KDP.info- وەزیری بەرگریی هۆڵەندا گەیشتە هەولێر و بڕیارە لەگەڵ بەرپرسانی هەرێمی کوردستان کۆ ببێتەوە. 

دووشەممە، 23-12-2024، ڕۆبن برێکلمانز، وەزیری بەرگریی هۆڵەندا گەیشتە هەولێر و لەلایەن شۆڕش ئیسماعیل، وەزیری پێشمەرگەی حکوومەتی هەرێمی کوردستانەوە پێشوازیی لێ کرا. 

وا بڕیارە وەزیری بەرگریی هۆڵەندا لەگەڵ بەرپرسانی هەرێمی کوردستان کۆ ببێتەوە و ڕاوێژکار و سەربازانی وڵاتەکەیشی بەسەر بکاتەوە. 

هۆڵەندا لە ساڵی 2014ـەوە ئەندامێکی کارای هاوپەیمانیی نێودەوڵەتیی دژ بە ڕێکخراوی تیرۆریستیی داعشە و هاوکاری و ڕاهێنان بە هێزەکانی پێشمەرگە دەکات.