ھەولێر-KDP.info-  رۆژی پێنجشەممە 5ی کانوونی یەکەمی 2024 لە سەلاحەددین سەرۆک مەسعود بارزانی پێشوازی لە بەڕێز ئانیل بورا ئینان باڵیۆزی تورکیا لە عێراق کرد.

لە دیدارەکەدا باس لە پڕۆسەی سیاسیی هەرێمی کوردستان و هەنگاوەکانی دوای هەڵبژاردن و پێکهێنانی حکومەتی نوێی هەرێمی کوردستان کرا، هەروەها تیشک خرایە سەر پەیوەندییەکانی نێوان هەردوو حکومەتی هەرێمی کوردستان و حکومەتی عێراقی فیدڕال.

هەر لەو دیدارەدا ڕۆشنایی خرایە سەر پەیوەندییەکانی هەردوولا و جەخت لە هەماهەنگی و  پەرەپێدانی پەیوەندییەکان کرایەوە.

دوایین پێشهات و گۆڕانکارییەکانی ناوچەکە تەوەرێکی دیکەی ئەم دیدارەبوو.