ھەولێر-KDP.info- به‌ڕێز نێچیرڤان بارزانى، سه‌رۆكى هه‌رێمى كوردستان، بۆ ماڵئاوایى و به‌بۆنەی دواییهاتنی ئه‌ركەکەیه‌وه، پێشوازیی له به‌ڕێز میكیلێ كامێرۆتا، كونسوڵى گشتیى ئیتاڵیا له هه‌رێمى كوردستان كرد.
له دیدارێكدا سه‌رۆك نێچیرڤان بارزانى، سوپاسى ئه‌رك و هه‌وڵه‌كانى بۆ بره‌ودانى په‌یوه‌ندییه‌كانى وڵاته‌كه‌ى له‌گه‌ڵ هه‌رێمى كوردستاندا كرد، هه‌روه‌ها هیواى سه‌ركه‌وتنى له ئه‌ركى تازه‌یدا بۆ خواست.
لاى خۆیه‌وه به‌ڕێز كامێرۆتا، سوپاسى پشتگیریى سه‌رۆك نێچیرڤان بارزانى و لایه‌نه په‌یوه‌ندیداره‌كانى هه‌رێمى كوردستانى كرد كه یارمه‌تیده‌ر بوون بۆ سه‌رخستنى ئه‌ركه‌كه‌ى. هه‌روه‌ها جه‌ختى له خواستى وڵاته‌كه‌ى بۆ بره‌ودان به په‌یوه‌ندییه‌كانى له‌گه‌ڵ هه‌رێمى كوردستان و فراوانكردنى هاریكاریى هاوبه‌شى نێوانیان، كرده‌وه.