Hewlêr-KDP.info- Serokê Herêma Kurdistanê Nêçîrvan Barzanî pêşwaziya Balyozê nû yê Îmaratê kir û di wê hevdîtinê de rewşa Sûriyê hat gotûbêjkirin.
Îro Çarşema 04.12.2024 ê li bajarê Hewlêrê, Nêçîrvan Barzanî Serokê Herêma Kurdistanê pêşwaziya Ebdulah Matar Xemîs El-Mezrûyî Balyozê nû yê Îmaratê li Iraqê kir û pîrozbahiya destbikarbûna wî kir û hêviya serkeftinê jê re xwest. Her wiha piştevaniya xwe û aliyên peywendîdar yên Herêma Kurdistanê ji bo serxistina erkê wî de nîşan da.
Balyozê Îmarata Erebî silavên Şêx Mihemed Bin Zayid Al Nehyan Serokê Îmaratê gihandin Serok Nêçîrvan Barzanî û pesnê peywendiyên bihêz yên di navbera welatê xwe û Iraq û Herêma Kurdistanê da û tekez li ser pêdagirbûna Îmaratê bi zêdetir bihêzkirin û berfirehkirinan peywendiyan bi taybetî bi Herêma Kurdistanê re kir.
Di hevdîtinê de Serokê Herêma Kurdistanê silavên xwe ji Serokê Îmaratê re şand û xweşhaliya xwe bi berdewamiya piştevaniya Îmaratê ya ji bo Iraq û Herêma Kurdistanê nîşan da. Herdu aliyan li ser berfirehkirina hevkariyên hevbeş yên di warên curbicur da danustandina bîr û ramanan kirin.
Pêşhatên dawî yên herêmî, bi taybet rewşa Sûriyê û mijarên din yên xwedî berjewendiya hevbeş hatin gotûbêjkirin.