ھەولێر-KDP.info- سه‌رۆكى حکوومەتی هه‌رێمى كوردستان پێشوازی لە نوێنه‌رى تایبه‌تیی سكرتێرى گشتیى نه‌ته‌وه‌ یه‌كگرتووه‌كان لە عێراق و بەرپرسی یونامی ده‌كات.

ئەمڕۆ دووشەممە ١٨-١١-٢٠٢٤، مەسروور بارزانی، سەرۆکی حکوومەتی ھەرێمی کوردستان، پێشوازیی لە د.محەممەد ئەلحەسسان، نوێنەری تایبەتیی سکرتێری گشتیی نەتەوەیەکگرتووەکان لە عێراق و بەرپرسی یونامی کرد.

لە کۆبوونەوکەدا بیروڕا لەبارەی دۆخی گشتیی عێراق و ناوچە و گرنگیی چارەسەرکردنی کێشەکانی ھەرێمی کوردستان و حکوومەتی فیدڕاڵ لەسەر بنەمای دەستوور ئاڵوگۆڕ کرا.

لە تەوەرێکی دیکەدا، جەخت لە پێویستیی بەردەوامبوونی ڕۆڵی یونامی لە پێناو پاراستنی ئاشتی و ئاسایشی عێراق و ھەرێمی کوردستان کرایەوە.