ھەولێر-KDP.info- ئه‌ندامێكی ژووری بازرگانی و پیشه‌سازی هه‌ولێر ئاماژه به‌وه ده‌كات كه شاندێكی گه‌وره‌ی بازرگانی و خاوه‌نكار و كۆمپانیایی ئه‌مه‌ریكی هاتونه‌ته هه‌ولێر و دیداری گرنگیان له‌گه‌ڵ ژووری بارزگانی هه‌ولێر ده‌بێت.
ئیبراهیم محه‌مه‌د ئاغا ئه‌ندامی ژووری بازرگانی و پیشه‌سازی هه‌ولێر، بە ماڵپه‌ڕی فه‌رمیی پارتی دیموكراتی كوردستانی ڕاگەیاند: "ئه‌مرۆ 2024/11/17، لە باڵاخانەی ژووری بازرگانی و پیشەسازی هەولێر، دیدارێکی بازرگانی لە نێوان بازرگانان، خاوەنکار و کۆمپانیاکانی خۆماڵی و 30 کۆمپانیا و خاوەنکاری ئەمریکا سازدەکرێت.
ئیبراهیم محه‌مه‌د گوتیشی: "هه‌ریه‌كه له سەرۆکی ژووری بازرگانی هەولێر و سەرۆکی دەستەی وەبەرهێنان و نوێنەری حکوومەتی هەرێم لە ئەمریکا و شاندی ژوورەکانی بازرگانی هەولێر، سلێمانی، دهۆك و هەڵەبجە ئاماده ده‌بن و گفتوگۆی چڕ له‌باره‌ی پێشخستنی كه‌رتی بازرگانی و پیشه‌سازی و لێگه‌یشتن و لێك نزیك بوونه‌وه ده‌كرێت، ئێستاش هەرێمی كوردستان له قۆناغێكی گرنگی گه‌شه‌سه‌ندن و پێشكه‌وتنی بازرگانی و پیشه‌سازیدایه و ده‌یه‌وێت سه‌رنجی كۆمپانیاكانی جیهان بۆ خۆی راكیشێت جیاله‌وه‌ش ئارامی و سه‌قامگیری كوردستان ده‌رفه‌تێكی باش ده‌داته كۆمپانیاكانی ئه‌مه‌ریكا بێن لێره وه‌به‌رهێنان بكه‌ن.