دهۆک-KDP.info- کاتژمێر 11:00ـی ئەمڕۆ دووشەممە، 07-10-2024، مەسروور بارزانی، سەرۆکی حكوومەتی هەرێمی کوردستان، لە دهۆک، پرۆژەی (کاڤین فارم) دەکاتەوە، کە تایبەتە بە بەخێوکردنی مانگا و بەرهەمهێنانی ماست و شیر و پەنیر.

کاڤین فارم، گه‌وره‌ترین پڕۆژه‌ی ئاژه‌ڵداری و شیره‌مه‌نییە له‌سه‌ر ئاستی هه‌رێمی كوردستان و بە گوژمەی 40 ملیۆن دۆلار جێبەجێ کراوە. 

ڕووبەری پرۆژەکە، هه‌زار دۆنمە و دوو هه‌زار و 500 هه‌لی كار ده‌ڕه‌خسێنێت. 

بەهۆی جێبەجێکردنی پڕۆژەکە، به‌رهه‌می شیره‌مه‌نیی ناوخۆ، شوێنی به‌رهه‌می بیانی ده‌گرێته‌وه‌ و ده‌توانێت تا ڕێژه‌یه‌كی زۆر پێداویستیی بازاڕ پڕ بكاته‌وه‌.