Hewlêr-KDP.info- Wezîrê Ewqaf û Karûbarên Olî yê Herêma Kurdistanê Piştîwan Sadiq ragihand, ji ber ku peymana Şingalê heya niha nehatiye cîbicîkirin rewşa Şingalê pir giran bûye û pêwîst e civaka navdewletî û Hikûmeta Iraqê di wê mijarê de hevkar bin, da ku Êzîdî vegerin cih û warên xwe.

Îro 25.06.2024ê Wezîrê Ewqaf û Karûbarên Olî yê Herêma Kurdistanê Piştîwan Sadiq di konferansa Laleşê ya Aştî û Pêkvejiyanê de ragehand, Hikûmeta Herêma Kurdistanê tişta ji dest hatiye ji bo xizmeta xwîşk û birayên Êzîdî kiriye.

Herwaha got, pêwîst e welatên derve û Hikûmeta Iraqê jî hevkar bin ji bo peymana Şingalê ya di navbera Hikûmeta Herêma Kurdistanê û Iraqê de hatiye pêkanîn, wekî xwe bê cîhbicîh kirin da ku Êzîdî vegerin cih û warên xwe.

Piştîwan Sadiq got, ji ber ku peymana Şingalê heya niha nehatiye cîbicîkirin rewşa Şingalê pir giran bûye û vê yekê gef li ser aramiya navdewletî çêkiriye û divê Encûmena Asayişê ya Navdewletî rêyekê bibîne, da ku Êzîdî êdî rastî êş û nexweşiyan nebin.