به‌داخه‌وه هه‌واڵى كۆچى دواییى كه‌سایه‌تى و تێكۆشه‌رى دیارى كوردستان خوالێخۆشبوو حه‌یده‌ر فه‌یلى، ئه‌ندامى پێشووى مه‌كته‌بى سیاسیى حزبى شیووعیى كوردستان و وه‌زیرى پێشووترى گواستنه‌وه و گه‌یاندنى حكوومه‌تى هه‌رێمى كوردستانم پێگه‌یشت.
به‌م بۆنه خه‌مناكه‌وه پرسه و سه‌ره‌خۆشیى قووڵم ئاراسته‌ى خێزان و كه‌سوكار و هاوڕێیانى ده‌كه‌م، هاوسۆز و هاوخه‌میانم. له خواى مه‌زن داواكارم گیانى به به‌زه‌یى و میهره‌بانیى خۆى شاد بكات و ئارامى و دڵنه‌وایى به هه‌مووان ببه‌خشێت.
خوالێخۆشبوو حه‌یده‌ر فه‌یلى، نموونه‌ى مرۆڤێكى پاكى نیشتمانپه‌روه‌ر و دڵسۆزى كوردستان بوو، ته‌مه‌نێكى له كاروانى پێشمه‌رگایه‌تی و خه‌بات و تێكۆشاندا بۆ ئازادى به‌سه‌ر برد و له‌وپێناوه‌دا ساڵانێكى زۆر به‌رگه‌ى زیندان و ئازار و ئه‌شكه‌نجه و ئاواره‌یی گرت. هه‌میشه ده‌یویست ئه‌وپه‌ڕى خزمه‌ت به گه‌ل و وڵاته‌كه‌ى بكات و خۆى به خزمه‌تكارى خه‌ڵك ده‌زانى. گیانى شاد و یادى هه‌میشه به خێر بێت.
نێچیرڤان بارزانى
سه‌رۆكى هه‌رێمى كوردستان
2023