Hewlêr-KDP.info- Serokwezîrê Herêma Kurdistanê pêşwazî li Balyozê Rûsyayê li Iraqê kir û di wê hevdîtinê de dawî pêşhat û guhertin gotûbêj kirin.

Serokwezîrê Herêma Kurdistanê Mesrûr Barzanî îro Duşema 31.10.2022an pêşwazî li Balyozê Rûsyayê li Iraqê Elbrus Kutrashev û şanda pê re kir.

Di civînê de, dawî pêşhat û guhartinên li Iraqê piştî bidawîhatina aloziya siyasî û pêkanîna hikûmeta nû û giringiya çareserkirina kêşeyên di navbera Herêma Kurdistanê û Hikûmeta Federal de li ser bingeha destûrê hatin gotûbêjkirin.

Pêşxistina pêwendiyên dualî û giringiya rûbirûbûna kiryarên terorîstî mijareke din a vê hevdîtinê bû.