هه‌ولێر-KDP.info- نێچیرڤان بارزانى سه‌رۆكى هه‌رێمى كوردستان، پیرۆزبایی له هه‌ردوو حزبى شیووعیى عێراق و كوردستان، دەکات و دەڵێت، له‌م یاده‌دا ڕۆڵى نیشتمانى و خه‌بات و تێكۆشانى هه‌ردوو حزب له به‌ره‌نگاربوونه‌وه‌ى دیكتاتۆرى و به‌شدارییان له ژیانى سیاسیدا به‌رز ده‌نرخێنین.
دەقی پەیامه‌كه‌ی سه‌رۆكى هه‌رێمى كوردستان:
له یادى دامه‌زراندنى هه‌ردوو حزبى شیووعیى عێراق و كوردستاندا، به گه‌رمى پیرۆزبایى له سه‌ركردایه‌تیى هه‌ردوو حزب و ئه‌ندامان و جه‌ماوه‌ریان له عێراق و هه‌رێمى كوردستان ده‌كه‌م، هیواى سه‌ركه‌وتنیان بۆ ده‌خوازم.
له‌م یاده‌دا ڕۆڵى نیشتمانى و خه‌بات و تێكۆشانى هه‌ردوو حزب له به‌ره‌نگاربوونه‌وه‌ى دیكتاتۆرى و به‌شدارییان له ژیانى سیاسیدا به‌رز ده‌نرخێنین، هه‌روه‌ها به ڕێزه‌وه یادى ئه‌و تێكۆشه‌رانه ده‌كه‌ینه‌وه كه خزمه‌تى گه‌ل و نیشتمانیان له ڕیزه‌كانى حزبى شیووعیدا كرد.
دروود بۆ گیانى شه‌هیدانى حزبى شیووعى و هه‌موو شه‌هیدانى كوردستان.
نێچیرڤان بارزانى
سه‌رۆكى هه‌رێمى كوردستان
2025/3/31