فراكسیۆنی پارتی لە ئەنجوومەنی پارێزگاری كەركووك بەیاننامەیەكی ناڕەزایی بڵاوكردەوە

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

FRI, 28 MAR 2025 10:34 | KDP.info

كەركووك-KDP.info- فڕاكیسۆنی پارتی دیموكراتی كوردستان لە ئەنجوومەنی پارێزگای كەركووك ڕاگەیەنراوێكی لەبارەی پەراوێزخستنی ئێستای پێكهاتەی كورد لە كەركووك بڵاو كردەوە و تێیدا ئیدانەی ئەم پەراوێزخستنەی كرد و بە دۆخێكی مەترسیداری وەسف كرد.

لە ڕاگەیەنراوەكەی فڕاكسیۆنی پارتیدا هاتووە: لەم دواییانەدا لە كۆی 149 وەزیفەی دامەزراندنی پۆلیس لە پارێزگای كەركووك، تەنیا 7 وەزیفەیان بۆ كورد بووە.

هەروەها هاتووە: ئەم كارانە ڕەنگدانەوەی سیاسەتێكی بەرنامەبۆداڕێژراوی جیاكارییە بە ئامانجی كەمكردنەوەی ڕۆڵی كورد لە دامەزراوەكانی دەوڵەتدا و بڵاوكردنەوەی هەژاری لەناو كۆمەڵگەی كوردی لە كەركووك.

ئاماژە بەوەش دەكات كە بەردەوامبوونی ئەم سیاسەتە، بووەتە هۆكاری ئەوەی رێژەی نوێنەرایەتی ئێستای كورد لە فەرمانگەكانی دەوڵەت لە كەركووك بۆ كەمتر لە 15% كەم ببێتەوە.

فڕاكسیۆنی پارتی لە ئەنجوومەنی پارێزگای كەركووك جەختی كردەوە كە بەهیچ شێوەیەك ئەم زوڵم و پەراوێزخستنەی كورد لە كەركووك قبووڵ ناكەن، داواشی لە حكوومەتی فیدڕالی و حكوومەتی خۆجێیی كەركووك كرد ئەم نادادپەروەرییە راست بكەنەوە.

وێنە: دەقی راگەیەنراوەكەی فڕاكسیۆنی پارتی لە ئەنجوومەنی پارێزگای كەركووك:

دوایین هەواڵەکان

مەکتەبی سیاسیی پرسەنامەیەک ئاراستەی خانەوادەی (یونس هەڵشۆیی) دەکات

MONDAY, 31 MARCH 2025 22:03:47

هەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی خوشکی، خوالێخۆشبوو خاتوو (ئەستی ڕەسووڵ مەحموود) لە پەیامێکدا سەرەخۆشی لە هەڤاڵ (یونس هەڵشۆیی) دەکات، ئەمەی خوارەوە دەقەکەیەتی:

مەسروور بارزانی سەرەخۆشی لە بەرهەم ساڵح دەکات

MONDAY, 31 MARCH 2025 22:03:58

هه‌ولێر-KDP.info- مەسروور بارزانی سەرۆکی حکوومەتی هەرێمی کوردستان سەرەخۆشی لە دکتۆر بەرهەم ساڵح، سەرۆککۆماری پێشووی عێراق کرد بۆ کۆچی دوایی ڕۆژنامەوان بەڵێن ساڵحـی برای.

سەرۆکی حکوومەت ساڵیادی دامەزراندنی هەردوو حزبی شیووعیی عێراق و کوردستان پیرۆز دەکات

MONDAY, 31 MARCH 2025 14:03:39

هه‌ولێر-KDP.info- سەرۆکی حکوومەتی هەرێمی کوردستان، ساڵیادی دامەزراندن لە هەردوو حزبی شیوعیی عێراق و کوردستان پیرۆز دەکات و دەڵێت، مێژوویەکی دێرینیان لە تێکۆشان لە پێناو ئازادیدا هەبووە.

سه‌رۆكى هه‌رێمى كوردستان: ڕۆڵى هه‌ردوو حزبى شیووعیى عێراق و كوردستان به‌رز ده‌نرخێنین

MONDAY, 31 MARCH 2025 13:03:14

هه‌ولێر-KDP.info- نێچیرڤان بارزانى سه‌رۆكى هه‌رێمى كوردستان، پیرۆزبایی له‌ هه‌ردوو حزبى شیووعیى عێراق و كوردستان، دەکات و دەڵێت، له‌م یاده‌دا ڕۆڵى نیشتمانى و خه‌بات و تێكۆشانى هه‌ردوو حزب له‌ به‌ره‌نگاربوونه‌وه‌ى دیكتاتۆرى و به‌شدارییان له‌ ژیانى سیاسیدا به‌رز ده‌نرخێنین.

بڕیارە ڕێبەر ئەحمەد لە بەریتانیا گوتارێک پێشکەش بکات

MONDAY, 31 MARCH 2025 12:03:04

لەندەن-KDP.info- وەزیری ناوخۆی هەرێمی کوردستان بۆ بەشداریی لە لووتکەی ئاسایشی سنوور، لە بەریتانیایە و گوتارێک پێشکەش دەکات.

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."

سەرۆك بارزانی پەیامێك بۆ كوردانی هەر چوارپارچەی كوردستان دەنێرێت

هه‌ولێر-KDP.info- سەرۆك بارزانی لە دیدارێكی تایبەتدا لەگەڵ تەلەڤزیۆنی "شەمس" تیشكی خستە سەر كۆمەڵێ بابەتی هەنووكەیی پێوەست بە هەرێمی كوردستان، پارچەكانی تری كوردستان، عێراق، ناوچەكە و هەموو جیهان بە گشتی و باسی گۆڕانكاریی مێژوویی ناوچەكە دەكات، بەتایبەتی پاش ڕووخانی ڕژێمی ئەسەد لە سووریا و كاریگەرییەكانی بۆ سەر تەواوی ڕۆژهەڵاتی ناوەڕاست.

ئیسماعیل بێشکچی تایبەت بۆ KDP باسی پرسی کورد و گۆڕانكاریه‌كانی ڕۆژهەڵاتی ناوەڕاست دەکات

ھەولێر-KDP.info- ئیسماعیل بێشکچی، کۆمه‌ڵناس و نووسه‌ر و دۆستی گه‌لی کورد، کە زیاتر لە نیو سەدەیە لە ناوچاکەدا ھاوسۆزیی بۆ پرسی کورد ھەیە، لە دیمانەیەکی تایبەتدا لەگەڵ ماڵپەڕی فەرمیی پارتی دیموکراتی کوردستان، رۆشنایی دەخاتە سەر پرسی کورد و داهاتووی رۆژهەڵاتی ناوین.