وەڵامێك بۆ نەسیحەتەكانی م. عەلی باپیر

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 11 FEB 2025 19:06 | KDP.info

بەڕێز م. عەلی باپیر زۆر سوپاس بۆ نەسیحەتەكانت كە لە پۆستێكی فەیسبووكی خۆت لە ئێوارەی 11ی شوباتی 2025ـدا بڵاوت كردووەتەوە. بەڵام دەبوایە هێندەك بە ئینسافەوە بدوێیت، بەڕێزت یەكێك لەوانەی زۆر چاك شارەزای پارتیت و دەزانی پارتی چیی بۆ ئەم وڵاتە كردووە. پارتی هەمیشە لەگەڵ ئەوەدا بووە گەلی كوردستان بە سەربەرزی بژییت و لەو پێناوەدا تێكۆشاوە و خوێنی داوە و مێژوویەكی ڕووناك و دوورودرێژی لە خەبات و تێكۆشان و دەستكەوتی گەورە هەبووە و لە داهاتووشدا دەیبێت. پارتی خۆی بەرپرسیار دەزانێ لە چارەنووسی گەلی كوردستان و لە دەیان وێستگەدا لەپێناو بەرژەوەندییەكانی گەلی كوردستان و لەپێناو تەبایی و ئارامی و پێكەوەییدا لە مافی خۆی خۆش بووە و هەردەم باجی هەڵوێست و بەرپرسیاریێتییەكانی داوە و بووەتە ئامانجی تیری ناحەزانی گەلی كوردستان. پارتی شانازی بەم بەرپرسیارێتییەوە دەكات و لە سەنگەری پێشەوەی پاراستن و بەرگرییكردن بووە لە كوردستان و ئەمەی بە كردەوە سەلماندووە.

باسی ستەملێكراو و مووچەتان كردووە، لە بەڕێزتان دەپرسین ئایا ڕۆژێك لە ڕۆژان پرسیارتان كردووە كێ قووت و مووچەی خەڵكی كوردستانی بڕیوە و بۆچی ڕۆژێك لە ڕۆژان هەڵوێستتان لەبەرانبەر ئەو زوڵم و نانبڕین و دوژمنكارییە نەبووە كە دژی گەلی كوردستان بەڕێوەچووە؟ لەو ستەمەی كە لە خەڵكی كوردستان كراوە نەك تەنیا سلێمانی بەڵكو هەولێر و دهۆك و گەرمیان و بارزان و بادینان و هەڵەبجە و سەرتاسەری كوردستان بەر ئەو ستەمكاری و پێشێلكارییە كەوتوون. نانبڕین و ستەمكارییەكە جگە لە مامۆستا بەڕێزەكان، خانەوادەی شەهیدان و ئەنفالكراوان و بریندار و پێشمەرگە قارەمانەكان و منداڵی ناو بێشكە و سەرجەم چینوتوێژەكانی كوردستان گرتووەتەوە و نەمانبینی ڕۆژێك لە ڕۆژان هەڵوێستتان هەبێ لەسەر ژیانی پێشمەرگە و خانەوادەی شەهیدان كە خۆیان فیدای كورد و كوردستان كردووە. ڕۆژێك لە ڕۆژان نەمانبینی ئینسافتان هەبێت و عادل و بوێر بن و پەنجە لەسەر ڕاستیەكاندا بنێن و بڵێن كێ لە پشتەوەی بڕینی قووت و مووچەی خەڵكی كوردستانە.

خەڵكی كوردستان بە هەموو چینوتوێژەكانەوە مافی خۆیانە داواكارییان هەبێت بەڵام هیچ كات لەگەڵ تێكدان و ئاژاوە نین و لەگەڵ ئەوەش نین هەندێ لایەن یاری بە هەست و سۆزیان و چارەنووسی وڵات بكەن، حەز دەكەین بەڕێزیشت لەوە دڵنیا بن كە پارتی لە هەموو بارودۆخێكدا خۆی بە بەرپرسیار دەزانێت و مومكین نیە ڕێگە بە تێكدان و یاریكردن بە چارەنووسی گەلی كوردستان بدات.

سەرچاوەیەكی ڕۆژنامەوانی لە پارتی دیموكراتی كوردستان

11ی شوباتی 2025

دوایین هەواڵەکان

نەوەیەکی ئەحمەدی خانی له‌ ڕێگه‌ی KDPیەوە‌ داوایه‌ك له‌ هه‌موو کوردان ده‌كات

FRIDAY, 21 FEBRUARY 2025 13:02:26

هەولێر-KDP.info- لە ساڵیادی ڕۆژی جیهانیی زمانی دایک، زۆربەی گەلان ڕۆژی جیهانیی زمانی دایک بە ڕێزەوە یاد دەکەنەوە، بەڵام هێشتا گەلی کورد وەک گەلێکی زوڵملێکراو و ژێردەست، لە زۆربەی وڵاتان زمانەکەیان لە ژێر هەڕەشەی لەناوچووندایە.

کاوە مەحموود بۆ KDP: دەرفەت بۆ کورد ھاتووەتە پێش و مەترسیش ھەیە

FRIDAY, 21 FEBRUARY 2025 12:02:45

ھەولێر-KDP.info- سکرتێری حزبی شیوعی کوردستان پێی وایە، کورد دەرفەتی لە بەردەمە لە گۆڕانکاریەکانی ناوچەکە، بەڵام مەترسیش ھەن، ھاوکات دەشڵێ، لەم قۆناغە پێویستمان بە یەکگوتاری ھەیە.

په‌یامی سەرۆکی هەرێمی کوردستان له‌ ڕۆژی جیهانیی زمانى دایكدا

FRIDAY, 21 FEBRUARY 2025 11:02:55

ھەولێر-KDP.info- نێچیرڤان بارزانی لە رۆژی زمانی دایک دا جەخت لە بەرەوپێشبردنی زمانی کوردی و زمانی تەواوی پێکهاتەکانی کوردستان دەکاتەوە و دەڵێت، "زمانمان هەبوونمانە".

سه‌رۆكی حكوومه‌تی هه‌رێمی كوردستان، پەیامێکی بڵاو کردەوە

FRIDAY, 21 FEBRUARY 2025 10:02:12

ھەولێر-KDP.info- مەسروور بارزانی، سه‌رۆكی حكوومه‌تی هه‌رێمی كوردستان، لە ڕۆژی زمانی دایکدا دەڵێت، ڕۆژی جیهانیی زمانی دایک لە سەرجەم کوردستانیان پیرۆز دەکەم. زمانی کوردی زمانی سەرەکی و فەرمی هەرێمی کوردستانە.

مەسرور بارزانی و شاندێکی دامەزراوەی دارایی نێودەوڵەتی پێشخستنی ئابووری تاوتوێ دەکەن

THURSDAY, 20 FEBRUARY 2025 20:02:38

ھەولێر-KDP.info- حکوومەتی هەرێمی کوردستان لەگەڵ شاندێکی دامەزراوەی دارایی نێودەوڵەتی کۆبووەوە و گفتوگۆیان لەبارەی پەرەپێدانی هاوکاری و هەماهەنگیی نێوانیان کرد لە پێناو برەودان بە وەبەرهێنانی ناوخۆیی و بیانی.

سەرۆك بارزانی پەیامێك بۆ كوردانی هەر چوارپارچەی كوردستان دەنێرێت

هه‌ولێر-KDP.info- سەرۆك بارزانی لە دیدارێكی تایبەتدا لەگەڵ تەلەڤزیۆنی "شەمس" تیشكی خستە سەر كۆمەڵێ بابەتی هەنووكەیی پێوەست بە هەرێمی كوردستان، پارچەكانی تری كوردستان، عێراق، ناوچەكە و هەموو جیهان بە گشتی و باسی گۆڕانكاریی مێژوویی ناوچەكە دەكات، بەتایبەتی پاش ڕووخانی ڕژێمی ئەسەد لە سووریا و كاریگەرییەكانی بۆ سەر تەواوی ڕۆژهەڵاتی ناوەڕاست.

ئیسماعیل بێشکچی تایبەت بۆ KDP باسی پرسی کورد و گۆڕانكاریه‌كانی ڕۆژهەڵاتی ناوەڕاست دەکات

ھەولێر-KDP.info- ئیسماعیل بێشکچی، کۆمه‌ڵناس و نووسه‌ر و دۆستی گه‌لی کورد، کە زیاتر لە نیو سەدەیە لە ناوچاکەدا ھاوسۆزیی بۆ پرسی کورد ھەیە، لە دیمانەیەکی تایبەتدا لەگەڵ ماڵپەڕی فەرمیی پارتی دیموکراتی کوردستان، رۆشنایی دەخاتە سەر پرسی کورد و داهاتووی رۆژهەڵاتی ناوین.

پەیامێک لە سەرۆک بارزانییەوە

ھەولێر-KDP.info- سەرۆك مەسعود بارزانی، پەیامێكی لەبارەی لێدوانێكی ئەحمەد شەرع و دۆخی كورد لە سووریا بڵاو كردەوە و ڕایدەگەیەنێت، ئەم تیڕوانینە بۆ کورد و داهاتووی سووریا جێگەی خۆشحاڵییە و پێشوازیی لێ دەکەین."