داڤۆس-KDP.info- سەرۆکی حکوومەتی ھەرێمی کوردستان خەمباربوونی خۆی بە ھۆی ڕووداوی ئاگرکەوتنەوەکەی بەرەبەیانی ئەمڕۆی تورکیا ڕاگەیاند کە بەھۆیەوە ٦٦ کەس گیانیان لەدەستدا.
مەسروور بارزانی سەرۆکی حکوومەتی ھەرێمی کوردستان لە تۆڕی کۆمەڵایەتی ئێکس ڕایگەیاند: خەمبارم بە ڕووداوی ئاگرکەوتنەوەکەی شاری بۆلۆ لە تورکیا، لەم کاتە سەختەدا سەرەخۆشی خۆم بە کەسوکاری قوربانیان و گەل و حکوومەتی تورکیا دەگەیەنم.
بەرەبەیانی ئەمڕۆ سێشەممە ڕووداوێکی ئاگرکەوتنەوە لە ھۆتێلی ناوەندی خلیسکانەی سەر بەفری کارتاڵکایا لە پارێزگای بۆڵۆ لە وڵاتی تورکیا کەوتەوە.