ھەولێر-KDP.info- ئه‌مڕۆ یه‌كشه‌ممه 2024/12/22 به‌ڕێز نێچیرڤان بارزانى، سه‌رۆكى هه‌رێمى كوردستان، له دیدارێكدا له‌گه‌ڵ به‌ڕێز ئیسماعیل به‌شیكچى، بیرمه‌ند و كۆمه‌ڵناس و نووسه‌رى دیارى تورك و دۆستى گه‌لى كورد، سوپاس و پێزانینى گه‌لى كوردستانى بۆ پشتگیرى و به‌رگریكردنى له مافه‌كانى گه‌لى كورد دووپات كرده‌وه، هه‌روه‌ها ده‌ستخۆشیى له ئه‌رك و كاره‌كانى وه‌قفى ئیسماعیل به‌شیكچى، به‌تایبه‌تى له بواری كوردۆلۆژیدا كرد.
لاى خۆیه‌وه به‌ڕێز به‌شیكچى، خۆشحاڵیى خۆى به سه‌ردانى بۆ هه‌رێمى كورستان و پێشكه‌وتنه‌كانى ده‌ربڕى و جه‌ختى له پشتگیریى به‌رده‌وامى خۆى و وه‌قفى ئیسماعیل به‌شیكچى بۆ مافه ڕه‌واكانى گه‌لى كوردستان كرده‌وه، به‌ڕێزیان هه‌روه‌ها به گه‌شبینییه‌وه دید و بۆچوونى خۆى ده‌رباره‌ى داهاتووى گه‌لى كوردستان، خسته ڕوو.
له دیداره‌كه‌دا به‌ڕێز پارێزگارى هه‌ولێر و ژماره‌یه‌ك له مامۆستایانى زانكۆى سه‌ڵاحه‌دین و به‌ڕێوه‌به‌رانى وه‌قفى ئیسماعیل به‌شیكچى، ئاماده بوون