هه‌ولێر-KDP.info- سەرۆکی حکوومەتی هەرێمی کوردستان سەرەخۆشی لە حکوومەت و بنەماڵەی قوربانییانی هێرشەکەی شەوی ڕابردووی یەکێک لە بازاڕەکانی شاری ماگدێبورگی ئەڵمانیا دەکات.
شەممە، 21-12-2024، مەسروور بارزانی، سەرۆکی حکوومەتی هەرێمی کوردستان لە تۆڕی کۆمەڵایەتیی ئێکس پەیامێکی لەبارەی هێرشەکەی شەوی ڕابردوو (هەینی، 20-12-2024)ـی یەکێک لە بازاڕەکانی شاری ماگدێبورگی ئەڵمانیا بڵاو کردەوە.
سەرۆکی حکوومەتی هەرێمی کوردستان ئاماژەی بەوە کردووە، "خەمبار و شۆک بووم بە هێرشە مەترسیدارەکەی بازاڕیی کریستمس لە شاری ماگدێبورگی ئەڵمانیا."
سەرۆک وەزیران مەسروور بارزانی ئەوەشی خستووەتە ڕوو، "سەرەخۆشی خۆم بۆ خەڵک و حکوومەتی ئەڵمانیا دەردەبڕم، بیرمان لای قوربانییان و خێزانەکانیانە لەم کاتەدا سەختەدا."