Duhok-KDP.info- Wezîrê Derve yê Iraqê Fuad Husên ragihand, nameyek ji hikûmeta Netanyahu gihîştiye Iraqê û tê de dibêje, grûpên çekdar ên Iraqê êrişî Îsraîlê dikin.
Wezîrê Derve yê Iraqê Fuad Husên îro 22ê Mijdarê di çarçoveya paneleke Korbenda MEPSê de got: “Navçe di bin agir de ye û Iraq beşek ji navçeyê ye. Em ji rewşa navçeyê nîgeran in. Niha gefên Îsraîlê li ser Iraqê hene. Nameyek ji Netanyahu gihîştiye me. Name jî ji aliyê Sekreterê Giştî yê Neteweyên Yekgirtî û Encûmena Asayişê Ewlekariyê ve hatiye. Netanyahu dibêje: Komên çekdar ên Iraqê êrîşî Îsraîlê dikin.”
Fuad Husên got: “Hikûmeta Iraqê şer naxwaze û em ne beşek ji şer in û em dixwazin ji şer dûr bikevin. Gef gelekî cidî ne û hest pê tê kirin.”
Da zanîn jî: “Serokwezîrê Iraqê bi siyasetmedar û rêberên Şîe re behsa metirsiyên rewşê dike, bi serkirdeyên koman re û bi aliyên Îranî re jî her tim di nava pêwendiyê de ye.”