ئامێدی_KDP.info_ ئەڤرۆ ل قەزا ئامێدیێ ئالیکاریێن فەرماندە مەنسور بارزانی ب سەر پتری ٩٠ خۆبەخشێن کەرتێ ساخلەمیێ دابەشکرن .
ب ڕێیا لقێ ١٨ یێ پارتی و ئامادەبوونا "بەرەڤان حەمدی" بەرپرسێ لقێ و "وارشین سەلمان" دەڤەردارێ ئامێدیێ، "د. ئەفرا سیاب" ڕێڤەبەرێ گشتیێ ساخلەمیا پارێزگەھا دھوکێ ، د. ئیبراھیم حەسەن ڕێڤەبەرێ ساخلەمیا قەزا ئامێدیێ، ل ھولا لقێ، ھاریکاریێن جەنابێ فەرماندە "مەنسور بارزانی" ل سەر (٩٢) خۆبەخشێن کەرتێ ساخلەمیێ ل قەزا ئامێدیێ ھاتنە دابەشکرن.
بەرێز بەرپرسێ لقێ، د پەیڤەکێدا سلاڤێن جەنابێ فەرماندەی گەھاندنە خوبەخشان و ڕێز و سوپاسی ئاراستەکرن ژ بۆ وێ خزمەتا مەزن یا خوبەخشانە پێشکێشی خەلکێ دەڤەرێ دکەن کو زێدەباری خزمەت و کارەکێ مرۆڤایەتی دەربرینا ھەستکرنێیە ب بەرپرساتیێ و بێ گومان حکومەتا ھەرێمێ دێ ڤێ لبەرچاڤ وەرگریت و د نوکەدا کارێن جدی دھێنە کرن ژ بۆ چاکسازی و پێشڤەبرنا کەرتێ ساخلەمیێ دا کو بشێت زێدەتر و باشتر خزمەتا خەلکی بکەت.
ژ لایێ خوڤە خوبەخشان سوپاسیا جەنابێ فەرماندەی و لقێ ١٨ کرن بۆ ڤێ پشتەڤانی و ھاریکاریێ و زێدەباری دەربرینا خوشحالیێ دووپاتکر کو دێ د بەردەوامبن لسەر خزمەتا خەلکێ دەڤەرێ.
بڵند ئیبراھیم