ئاکرێ-KDP.info- لقا ٩ یا پارتی دیموکراتی کوردستان چەندین پروژەیێن خزمەتگوزاری و پێتڤیێن دەڤەرێ و ھاریکاریێن ماددی بسەر خەلکێ مەیێ خوشتڤییێن دەڤەرا ئاکرێ و بەردەرەش راگەھاندن، کو بەشەکا وان چوینە د بوارێ جێ بەجێکرنێ دا ئەوێن مایژی دڤان روژان دا دێ چنە بوارێ جێ بەجێکرنێدا.
ل ھولا بارەگایێ لقێ ب بەرھەڤبونا (د. مەردان خدر) بەرپرسێ لقا٩ یا پارتی دیموکراتی کوردستان و لیوا کامیران دەسکو نوێنەرێ فەرماندە مەنسور بارزانی، ھاریکاریێن ماددی بسەر ١٠٠ کور و کچێن پروسەیا ژیانا ھەڤژینیێ پێکئینای کو بتنێ مایە ئاھەنگا خو بگێرن ھەر ئێک ژ وان ١٠ ملیون دینار ھاتنە دابەشکرن و دگەل دابینکرنا ھەمی پێتڤیێن ئاھەنگا وان یا ھەڤژینیێ.
٣٧ موالیدە دێ بسەر ھەمی ئەو گوندێن پێتڤی ب مالیدان ھەی ھێنە دابەشکرن و ل ١٥ مزگەفتێن بەردەرەش موکێت بو ھاتیە دابینکرن ل مزگەفتێن قەزا ئاکرێ ژی روژێن بھێت دێ موکێت و ھەمی پێتڤیێن مزگەفتا ھێنە دابینکرن و٩٢ عەرەبانەیێن کارەبێ یێن خودان پێتڤیێن تایبەت بسەر وەلاتیێن خودان پێتڤیێن تایبەت ل ئاکرێ و بەردەرەش ھاتنە دابەشکرن و پشتی ھەلبژارتنا ھەر خودان پێتڤییەکا تایبەت پێتڤی ب عەرەبانەیێن کارەبێ ھەبن دێ بو ھێنە دابین کرن.
بو ھەمی تیپێن مللی کەلوپەلێن وەرزشی ھاتینە دابینکرن و بو ھەمی خوبەخشێن کەرتێ ساخلەمیێ ل ئاکرێ و بەردەرەش دیاریەکا تایبەت بو وان ھاتیە بەرھەڤکرن ل روژێن بھێت دێ بسەر وان دا ھێنە دابەشکرن و بو ھەمی ماموستایێن ئاینی یێن خوبەخش ل ئاکرێ و بەردەرەش مەھانە ھاریکاریەکا ماددی ھاتیە دابینکرن.
ئەڤ ھاریکاری ل ژێر فەرمانا سەرۆک بارزانی ل رێکا فەرماندە مەنسور بارزانی ھاتینە دابین کرن کو بڕیارە ئەڤ بەرنامە ساڵانەش دێ بەردەوام بن.
بڵند ئیبراھیم