Kurdî  ■  كوردی  ■  عربي
THU, 3 APR 2025 23:40 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Mesrûr Barzanî: Pêwîst e zanîngehên me bingehê hevkariyê bi navendên zanistî yên pêşketî re deynin
| KDP.info


Hewlêr-KDP.info- Serokwezîrê Herêma Kurdistanê Mesrûr Barzanî îro 7ê Îlonê Zanîngeha Navdewletî ya Brîtanî li Hewlêrê vekir û got: “Vekirina vê zanîngehê, vekirina deriyê ezmûna dewlemend û awayê xwendina zanîngehên Brîtanî li Herêma Kurdistanê ye.”

Serokwezîr Mesrûr Barzanî di merasîma vekirina Zanîngeha Navdewletî ya Brîtanî li Hewlêrê de gotarek pêşkêş kir û tê de got: “Vekirina vê zanîngehê, dê bandoreke wê ya mezin li ser bilindkirina asta xwendina bilind li Herêma Kurdistanê hebe. "Di heman demê de, dê jîngeheke guncaytir ji bo pêşxistin û berfirehkirina peywendiyên Herêma Kurdistanê û Brîtanyayê di warên çandî, zanistî û aborî de veke.”

Da zanîn jî: “Welatê me di warê çavkaniyên mirovî de dewlemend e û civakeke me ya ciwan heye, ji ber vê yekê divê em veberhênan di ciwanên xwe de bikin û wan bigihînin, da ku bi bandortir beşdarî avakirina pêşerojeke geş bo welatê me bibin.”

Diyar kir jî: “Yek ji rêyên veberhênana li ser ciwanan û şiyanên wan, pêgehandina wan di warê zanistî û akademî de ye, ji ber vê yekê bi vekirina her zanîngeheke astbilind re, hêviya me

Serokwezîr Mesrûr Barzanî got jî: “Zanîngeha Navdewletî ya Brîtanyayê li Hewlêrê, bandor û beşdariya wê di warê pêgehandina pispor û şarezayan de diyar dibe. Em ê rol û pêgeha derçûyên vê zanîngehê di proseya geşbûn û geşepêdana welat de bibînin.”

Amaje bi wê jî kir, “Ji dema destbikarbûna Kabîneya Nehem a Hikûmeta Herêma Kurdistanê ve, min hest bi kêmasiyan kiriye ku di gelek waran de lêkolîn, agahî û daneyên rast li ber dest nînin, ji ber vê yekê di paşerojê de divê zanîngehên me bi me re hevkariyê bikin û bingehê hevkariya hevbeş bi zanîngehên biyanî û navendên zanistî yên pêşketî re deynin ku lêkolînên hevbeş di warên curbicur ên pêwîst de wek çandinî, pîşesazî, aborî, av, jîngeh û keşûhewayê bikin. Zanîngehên Brîtanyayê di vî warî de xwedî ezmûnên gelek baş in û ev zanîngeh dikare bibe pirek baştir ji bo pêşdebirina di van waran de.”




Nûçeyên din

Daxuyaniyek ji Serokayetiya Herêma Kurdistanê

WEDNESDAY, 02 APRIL 2025 18:04:30

Hewlêr-KDP.info: îro 02.04.2025, Serokatiya Herêma Kurdistanê êrişa doh a li merasîma Cejna Ekîtoyê ya li Dihokê şermezar kir û got, “Tawanbar jî dê bigihêjin cezayê xwe yên yasayî.”

 
Serok Barzanî serexweşiyê li Dr.Berhem Salih dike

TUESDAY, 01 APRIL 2025 22:04:29

Hewlêr-KDP.info: îro (Sêşem, 1ê Nîsana 2025ê) Serok Barzanî bi rêya tilefonê serexweşiyê li Serokkomarê Îraqê yê berê dike, ji ber koça dawiyê ya birayê wî.

 
Mesrûr Barzanî Cejna Akîtoyê pîroz dike

TUESDAY, 01 APRIL 2025 13:04:31

Hewlêr-KDP.info:  îro 1ê Nîsanê, Mesrûr Barzanî  Serokwezîrê Herêma Kurdistanê,  postek li hejmara xwe ya tora civakî belav kir û  bi boneya hatina Cejna Akîto, pîrozbahî li welatiyên Kildan, Aşûrî û Siryanî yên li Kurdistan, Iraq û cîhanê kir.

 
Nêçîrvan Barzanî cejna Ekîtoyê pîroz dike

TUESDAY, 01 APRIL 2025 12:04:51

Hewlêr-KDP.info:  îro 1ê Nîsanê , Nêçîrvan Barzanî Serokê Herêma Kurdistanê peyamek bi bi boneya Cejna Akîto belav kir û tê de got: em pêgîriya xwe ya ji bo parastina maf û azadiyan û pêşxistina çanda pirrengî, bihevrejiyana aştiyane, lêborîn û qebûlkirina hevdu di navbera hemû pêkhateyên olî û neteweyî yên Kurdistanê de tekez dikin.

 
Mesrûr Barzanî salvegera damezrandina her du partiyên komunîst ên Iraq û Kurdistanê pîroz dike

MONDAY, 31 MARCH 2025 22:03:44

Hewlêr-KDP.info: îro 31ê Adarê  Mesrûr Barzanî, Serokwezîrê Herêma Kurdisatanê bi boneya 91 saliya damezrandina her du partiyan peyamek pêşkêşî Sekreter û endamên Komîteya Navendî ya her du partiyan kir.

 


 
© 2023 Kurdistan Democratic Party, KDP

Contact