Kurdî  ■  كوردی  ■  عربي
SAT, 15 MAR 2025 15:29 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ھەوراز عەبدولقادر: بەگوێرەی پڕۆژەیەک ١٠٠ ھەزار بۆ مووچەی ئەم توێژە زیاد دەبێت
| KDP.info


ھەولێر  _KDP.info_ بەرپرسێکی وەزارەتی کاروباری کۆمەڵایەتی ئاشکرایکرد، بەگوێرەی پڕۆژەیەک ١٠٠ ھەزار دینار بۆ مووچەی کەمئەندامان زیاد دەکرێت، گوتیشی: لە ھەرێمی کوردستان ٧٤ ھەزار کەمئەندام و خاوەن پێداویستی تایبەت مووچەی مانگانەیان بۆ خەرج دەکرێت.

ھەوراز عەبدولقادر، بەڕێوەبەری چاودێری کۆمەڵایەتی لە وەزارەتی کاروباری کۆمەڵایەتی بە ماڵپەڕی فەرمیی پارتی دیموکراتی کوردستانی ڕاگەیاند: لە ھەرێمی کوردستان ٧٤ ھەزار خاوەن پێداویستی تایبەت مووچەی مانگانەیان بۆ خەرج دەکرێت و زیاتر لە ١٣ ھەزار خاوەن پێداویستی تایبەتی دیکەش ھەموو ڕێکارەکانیان تەواوکردووە و چاوەڕێی فەرمانی سەرۆکایەتی ئەنجوومەنی وەزیرانین بۆ خەرجکردنی مووچەی مانگانەیان، چونکە لیژنەی پشکنین و ڕێکارە یاسایی و کارگێڕییەکانیان تەواوبووە و وەزیری کاروباری کۆمەڵایەتی لە ھەوڵدایە بۆ خەرج کردنی مووچەکانیان.

ئەو بەرپرسەی وەزارەتی کاروباری کۆمەڵایەتی دەشڵێت: لە ھەرێمی کوردستان مووچەی کەمئەندامان و خاوەن پێداویستی تایبەت ١٥٠ ھەزار دینارە بەگوێرەی یاسای کەمئەندامان، بەڵام ئێستا پڕۆژەیەک لە پەرلەمانی عێراق ئامادەکراوە و بەگوێرەی پڕۆژەکە ١٠٠ ھەزار دینار بۆ مووچەی کەمئەندامان زیاد دەکرێت.

ھەوراز عەبدولقادر ئاماژەی بۆ ئەوە کرد: ئەگەر پڕۆژەکە لە عێراق بخرێتە بواری جێبەجێکردن ئەوە بێگومان داوا دەکەین کە کەمئەندامانی ھەرێمی کوردستانیش بگرێتەوە تا مووچەکانیان زیاد ببێت، ئێمە وەکو وەزارەتی کاروباری کۆمەڵایەتیش ئامادەین بۆ ڕێکخستنەوەی لیستی مووچەی کەمئەندامان و لەکاتی زیادکردنی مووچەکانیان ھاوکاریان دەبین.

قائید میرۆ




دوایین هەواڵەکان

"بە ڕێکخستنەوەی میلاک شوێنی مامۆستایانی خانەنشین پڕدەکرێتەوە"

SATURDAY, 15 MARCH 2025 14:03:20

ھەولێر-KDP.info- بریکاری وەزارەتی پەروەردەی حکوومەتی ھەرێمی کوردستان دەڵێت، وەزارەتی پەروەردەی حکوومەتی ھەرێمی کوردستان بەھۆی دروستبوونی بۆشایی لە میلاک بەھۆی خانەنشین بوونی ٥ ھەزار و ٥٠٠ مامۆستا، بڕیاریداوە ڕێکخستنەوە بۆ میلاک بکات و ئەو گرفتە چارەسەر بکات.

 
وەزارەتی کارەبا بۆ KDP: پڕۆژەی ڕووناکی ده‌گاته‌ ئیدارە سەربەخۆکانیش

SATURDAY, 15 MARCH 2025 12:03:05

هەولێر-KDP.info- به‌ڕێوه‌بەری بەرھەمھێنانی کارەبا لە وەزارەتی کارەبای حکوومەتی ھەرێمی کوردستان گوتی، پڕۆژەی کارەبا لە ھەفتەی ڕابردوو لە پارێزگای دھۆکیش دەستیپێکردووە، ئێستا ئامادەکاری دەکرێت لە ئیدارە سەربەخۆکانیش دەست پێدەکات.

 
مامۆستا عومه‌ر مرۆ: له‌ قورئان و سوننه‌تدا خۆشه‌ویستی نیشتیمان پێگه‌یه‌كی مه‌زنی هه‌یه‌

SATURDAY, 15 MARCH 2025 12:03:41

هەولێر-KDP.info- هەر بە خۆڕسک مرۆڤ ئەو شوێنەی لێی لەدایک بووە و ژیاوە، ئینتیمای بۆ هەیە و خۆشی دەوێت و لە كاتی ناڕەحەتیدا داكۆكی لێ دەكات، ئەم هەستە خۆڕسكییە گەشەی كردووە و بووە بە نیشتمانپەروەری، مامۆستایەكیی ئایینیی پسپۆڕیش دەڵێت، خۆشه‌ویستیی نیشتمان، به‌شێكه‌ له‌ فیتره‌تی مرۆڤ، چۆن مرۆڤ باوه‌ڕی به‌وه‌یه‌ ئه‌و كه‌ونه‌ خالقێكی هه‌یه‌، یا دادپه‌روه‌ری باشه‌ و زوڵم خراپه‌ و دژی خراپه‌ین، به‌ هه‌مان شێوه‌یش خۆشه‌ویستی به‌شێكه‌ له‌ فیتره‌ی مرۆڤ و له‌ قورئانی پیرۆز و سوننه‌تی پێغه‌مبه‌ر (د.خ) زۆر ئاماژه‌مان هه‌یه‌ كه‌ خۆشه‌ویستیی نیشتمان پێگه‌یه‌كی مه‌زنی هه‌یه‌.

 
د. هیوا پێشنیازی جێبه‌جێكردنی پڕۆژه‌ی بیمه‌ی فریاگوزاری بۆ حكوومه‌ت ده‌كات

SATURDAY, 15 MARCH 2025 11:03:44

ھەولێر-KDP.info- به‌ڕێوه‌به‌ری ته‌ندروستی ده‌شتی هه‌ولێر دەڵێت، پڕۆژه‌ی بیمه‌ی فریاگوزاری باشترین چاره‌سه‌رە بۆ كه‌رتی ئێستای ته‌ندروستی، هاوکات بۆ به‌رژه‌وه‌ندی هاووڵاتیانیشە بەتایبه‌تی ئه‌و هاووڵاتیانه‌ی توانای چاره‌سه‌ریان نیه‌ له‌ڕووی مادیه‌وه‌ بارگرانیان له‌سه‌ر نامێنێت.

 
سەرۆكی نوێی دەستەی ژینگە دەستبەكار بوو

FRIDAY, 14 MARCH 2025 22:03:25

هەولێر-KDP.info- دوای خانەنشینبوونی سەرۆکی دەستەی ژینگە، د.عەبدولحەکیم خەسرۆ، وەکو سەرۆکی دەستەکە بەوەکالەت دەستبەکار بوو.

 


 
© 2023 Kurdistan Democratic Party, KDP

Contact