Kurdî  ■  كوردی  ■  عربي
THU, 26 DEC 2024 12:55 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

زۆزان کۆچەر بۆ KDP: بڕیارەکە ھەرێمی کوردستانیش دەگرێتەوە
| KDP.info


بەغدا-KDP.info- جێگری یەکەمی لیژنەی کشتوکاڵ لە پەرلەمانی عێراق ڕایگەیاند، گەنمی جووتیارانی ھەرێمی کوردستانیش ھاوشێوەی پارێزگاکانی دیکەی عێراق ھەمووی ڕادەستی سایلۆکان دەکرێت، دەشڵێت، دوای جەژن بڕیارە لیژنەیەکی بەغدا سەردانی ھەرێمی کوردستان بکات.

زۆزان کۆچەر، جێگری یەکەمی لیژنەی کشتوکاڵ لە پەرلەمانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "حکوومەتی عێراق بڕیاری داوە ھەموو بەرھەمی گەنمی ئەمساڵی جووتیاران وەربگرێت و بۆ ھەر تۆنێک گەنم ساڵی ڕابردوو ٨٥٠ ھەزار دیناری عێراقی دیاریکراوە، بڕیارەکە ھەرێمی کوردستانیش دەگرێتەوە ئەگەر بێت و کێشە و گرفت بۆ وەرگرتنی بەرھەمی جووتیارانی ھەرێمی کوردستان دروست نەکرێت، چونکە ئێمە پلانی ئەمساڵی ھەرێم و ناوی جووتیارانیشمان ڕادەستی بەغدا کردووە".

جێگری سەرۆکی لیژنەی کشتوکاڵ دەشڵێت: "بەگوێرەی پلانی ئەمساڵی کشتووکاڵی ھەرێم، سێ ملیۆن دۆنم زەوی بە بەرھەمی گەنم داچێندراوە و ئامارەکە لای بەغداش ھەیە، ئەو ڕێژەیەش ئەرکی حکوومەتی فیدڕاڵیە بەرھەمی گەنم لە جووتیارانی کوردستان وەربگرێت و ھاوشێوەی پارێزگاکانی دیکەی عێراق بەگوێرەی پلانی کشتوکاڵ بەرھەم ڕادەستی وەزارەتی بازرگانی فیدڕاڵ دەکرێت".

کۆچەر ئاماژەی بۆ ئەوەکرد: "بڕیارە ڕۆژانی دوای جەژنی ڕەمەزان لیژنەیەکی بەغدا سەردانی ھەموو پارێزگاکانی ھەرێمی کوردستان بکات و لەبارەی ڕەوشی گەنم دانوستان بکەین، چونکە بەپێی پلانی کشتوکاڵی ئەو ڕووبەرەی دیاریکراوە کە سێ ھەزار دۆنم زەویە لە گەنم خەملاندنی بۆ دەکرێت و بزانرێت ئەمساڵ ھەر دۆنمێک چەند بەرھەمی دەبێت و لەسەر ئەو بنەمایە دیار دەبێت ئەو ڕێژەیەی گەنمی جووتیاران کە وەردەگیرێت چەندە".

 

قائید میرۆ




دوایین هەواڵەکان

ڕێبوار بابکەیی بۆ KDP: پلان و بەرنامە بۆ ساڵی نوێ دانراوە

THURSDAY, 26 DECEMBER 2024 11:12:24

سۆران-KDP.info- بەرپرسی لقی ١٠ی پارتی دیموکراتی کوردستان لە سۆران دەڵێت، دوای ئەوەی لەمساڵدا پارتی سەرکەوتنێکی گەورەی بەدەست ھێنا و خەڵک متمانەی بە پارتی بەخشییەوە، پلان و بەرنامە دانراوە بۆ ساڵی داھاتوو خزمەتی زیاتری خەڵک بکرێت و ساڵی خێروخۆشی بێت بۆ خەڵکی کوردستان.

 

لە ئایندەیەکی نزیک گەورەترین عەلوەی سەوزە و میوە دەکرێتەوە

THURSDAY, 26 DECEMBER 2024 11:12:51

ھەولێر-KDP.info- لە چەند ڕۆژی داھاتوو، پڕۆژەی ڤیا بازاڕ لە ناوچەی قوشتەپەی نزیک ھەولێر دەکرێتەوە و نوێنەری پڕۆژەکەش دەڵێ، ڤیا بازاڕ کاریگەری لەسەر ژێرخانی ئابووری ھەرێمی کوردستان دەبێت و دەبێتە گەورەترین بازاڕی سەوزە و میوە.

 

بەشی ڕۆشنبیری و ڕاگەیاندنی پارتی لە سلێمانی یادی ھونەرمەند (حاجی مەکی) کردەوە

THURSDAY, 26 DECEMBER 2024 10:12:27

سلێمانی-KDP.info- لە شاری سلێمانی، بەشی ڕۆشنبیری و ڕاگەیاندنی پارتی دیموکراتی کوردستان لە ڕێوڕەسمێکی شایستەدا یادی ھونەرمەندی دیار و نێوداری کورد (حاجی مەکی) کردەوە.

 

پارێزگاری هەولێر: لە بەیانییەوە ژمارەی گەشتیاران زۆر زیاتر دەبێت

WEDNESDAY, 25 DECEMBER 2024 23:12:44

ھەولێر-KDP.info- پارێزگاری هەولێر دەڵێت، رۆژانە نزیکەی حەوت هەزار گەشتیار بەبۆنەی جەژنی کریسمس و سەری ساڵی زایینی، سەردانی پارێزگاکەیان کردووە. گوتیشی، پێشبینی دەکرێت لە رۆژانی داهاتوودا گەشتیاری زیاتر روو لە شارەکە بکەن.

 
د. سالار عوسمان: دیدگای پارتی کوردستانێکی به‌هێز و حکوومەتێکی پتەوە

WEDNESDAY, 25 DECEMBER 2024 21:12:15

ھەولێر-KDP.info- دکتۆر سالار عوسمان، ئەندامی کۆمیتەی ناوەندی پارتی دیموکراتی کوردستان دەڵێت، پارتی ھیچ مەرجێکی بۆ پێکھێنانی حکوومەتی تازە نیە و ھیچ کاتێکیش بۆ پۆست گرفت بۆ پێکھێنانی حکوومەت دروست ناکات، بۆیە ئەوانەی بینینیان بۆ کوردستان فراوانە بەشێوەی مەرج دانوستان بۆ حکوومەت ناکەن.

 


 
© 2023 Kurdistan Democratic Party, KDP

Contact