پیرۆزبایی مەکتەبی سیاسیی پارتی بەبۆنەی (٦٥)ەمین ساڵیادی دەرچوونی ڕۆژنامەی خەبات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

WED, 3 APR 2024 16:32 | KDP.info

ھەولێر-KDP.info- بەبۆنەی (٦٥)ەمین ساڵیادی دەرچوونی یەکەمین ڕۆژنامەی خەباتەوە، مەکتەبی سیاسیی پارتی دیموکراتی کوردستان پیرۆزبایی لە سەرنووسەر و ئەندامانی ستافی نووسین و کادیر و کارمەندانی ڕۆژنامەی خەبات دەکات.

دەقی پیرۆزبایی پەیامی پیرۆزبایی مەکتەبی سیاسیی پارتی بەبۆنەی (٦٥)ساڵیادی دەرچوونی ڕۆژنامەی (خەبات)

ھەڤاڵانی بەڕێز سەرنووسەر و ئەندامانی ستافی نووسین و کادیر و کارمەندانی ڕۆژنامەی (خەبات).

ئەمڕۆ(٦٥)یەمین ساڵوەگەڕی بە ئاشکرا دەرچوونی یەکەم ژمارەی ڕۆژنامەی (خەبات)ە، کاروانی پڕ بەخششی ئەو ڕۆژنامەیە مایەی شانازی ڕۆژنامەگەری کوردیمانە، کە لە ڕێرەوتی ڕاگەیاندن و میدیای کوردیدا جێدەستی ڕوون و بەرچاوە بۆ خزمەتگەیاندن بە بواری ڕۆشنبیری و کولتووری نەتەوەیی و نیشتیمانیمان.

ڕۆژنامەی (خەبات) وەکو یەکەمین ڕۆژنامەی ڕۆژانە و زمانحاڵی پارتی دیموکراتی کوردستان یەکێکە لە دەستکەوتە گرنگەکانی بزووتنەوەی ڕزگاریخوازی گەلەکەمان، لەو ڕوانگەیەوە ھەمیشە و لە قۆناغە جیاجیاکاندا خزمەتێکی زۆری پێکەوەژیان و ئاشتەوایی کردووە، ھەروەھا سەکۆی داکۆکیکردن بووە لە پرەنسیپەکانی دیموکراسی و ئازادی ڕادەربڕین و بڵندگۆی بێ جیاوازی سەرجەم ڕۆشنبیران و نووسەران و ڕۆژنامەنووسان بووە.

ڕۆژنامەی (خەبات) خاوەن تایبەتمەندییەکی جیاو دیاری پیشەوەرانە و ڕۆژنامەوانییە و ئەو ڕێبازەی خۆی پاراستووە بە پەیڕەوکردنی بنەما و ئیتیکی ڕۆژنامەگەریی و گرتنەبەری ئاراستەیەکی ڕاست و دروست و ڕەوان بۆ ڕەخساندنی زەمینەیەکەی ئازاد و ڕاستگۆیانە بۆ گەیاندنی پەیامەکەی بە خوێنەرانی.

لەلایەکی دیکەوە ئەو ڕۆژنامەیە لە گەیاندنی پەیامی ڕۆژانەی خۆیدا سەرکەوتوو بووە بەو پێیەی خاوەن ستراتیژ و پلان و ستافێکی شارەزایە و توانیویەتی وەک ڕۆژنامەیەکی ڕۆژانە و لە ڕێگەی پێگەی فەرمی خۆی و ماڵپەڕە ئەلیکترۆنییەکانەوە خزمەتێکی زۆری پرسە سیاسی و ئابووری و کۆمەڵایەتی و ئەدەبییەکان بکات.

لە ساڵیاد و ئەو بۆنە پیرۆزەدا پیرۆزباییەکی گەرم لە ئێوەی بەڕێز و خوێنەرانی ڕۆژنامەکە دەکەین و کار و چالاکی و ڕۆڵی گرنگتان بەرز دەنرخێنین، جارێکی دیکە پشتیوانی خۆمان بۆ بەرەوپێشچوونی ڕۆژنامەی (خەبات) دووپات دەکەینەوە و ھیوادارین بۆ لەمەودواش بە ھەمان گیانی لەخۆبردوویی و دڵسۆزانە لە ئەرکی پیرۆزتان بۆ تۆمارکردنی سەروەرییەکان و دیکۆمێنتکردنی ڕووداو و ھەنگاو و دەستکەوتەکان بەردەوامبن و، ھەمیشە جێدەستتان بەسەر پانتایی میدیا و ڕۆژنامەوانیدا فراوانتر و کاریگەرتر بێت.

سڵاو و دروود بۆ گیانی کەسایەتی و نووسەر و کادیر و ڕۆژنامەنووسانی پێشەنگ، کە دڵسۆزانە و بوێرانە ئەو کاروانە شکۆدارەیان بەئەمڕۆ گەیاند.

ھەردەم بەرزو پیرۆز بێت (٦٥)ساڵەی دەرچوونی ڕۆژنامەی(خەبات)

مەکتەبی سیاسیی پارتی دیموکراتی کوردستان
٤ـی نیسانی ٢٠٢٤

دوایین هەواڵەکان

بەڕێوەبەری ناحیە بۆ KDP: كەسنەزان پێی ناوەتە قۆناغێكی زێڕین و مێژوویی

SATURDAY, 07 SEPTEMBER 2024 22:09:40

ھەولێر-KDP.info- ناحیەی كەسنەزان كە ئێستا بەهۆی شەقامە خێراكانی 120 مەتری و 150 مەتری، دەكەوێتە بازنەی هەولێرەوە، لە ناحیەیەكی دوورەدەستی كەم خزمەتگوزارییەوە، گۆڕاوە بۆ ناوچەیەك نەوەك جێی سەرنجی خەڵكی هەولێرە، بەڵكوو بەهۆی ئەوەی گەورەترین شاری یاریی لە عێراق و گەورەترین باخچەی ئاژەڵانیش لە عێراقدا هەر لەو دەڤەرەیە، جێی سەرنجی هەموو خەڵكی هەرێمی كوردستان و عێراقە، لە كابینەی نۆیەمی حكوومەتیشدا، بە تایبەت بایەخی پێ دراوە.

پارێزگاری هەولێر: سبه‌ی لۆ هه‌ولێر ڕۆژێکی زۆر خۆشه‌

SATURDAY, 07 SEPTEMBER 2024 21:09:51

ھەولێر-KDP.info- مەسروور بارزانی، سەرۆکوەزیرانی هەرێمی کوردستان بڕیارە سبەی پڕۆژەی تەواوکردن و ڕاکێشانی ئاوی ئیفراز چوار رابگەیێنێت.

وەزیری دارایی: وەرگرتنی مووچە دەبێتە دیجیتاڵی و ئه‌و سیستەمه‌ی ئێستا نامێنێت

SATURDAY, 07 SEPTEMBER 2024 21:09:50

ھەولێر-KDP.info- وەزیری دارایی حکوومەتی هەرێمی کوردستان ڕایگەیاند، سیستەمی "هەژماری من" سیستەمێکی پێشکەوتووی بانکییە لەڕێی کارتی بانکەوە هەم تەوتین دەکرێت، هەم خزمەتگوزاریەکی زۆری بانکی پێشکەش بە مووچەخۆران دەکرێت.

سبەی کۆبوونەوەكانی هەردوو ئەنجوومەن دەستپێدەکه‌ن و دوو رۆژ دەخایەنن

SATURDAY, 07 SEPTEMBER 2024 20:09:09

ھەولێر-KDP.info- شاندێكی باڵای دارایی حكوومەتی عێراق بە سەرۆكایەتیی فوئاد حوسێن، جێگری سەرۆكوەزیرانی عێراق بۆ كاروباری ئابووری گەیشتنە هەولێر و لەلایەن شاندێكی وەزیرانی حكوومەتی هەرێمی كوردستان لە فڕۆكەخانەی نێودەوڵەتیی هەولێر پێشوازیان لێكرا.

وته‌بێژی پارتی له‌ كه‌ركووك: "تا ئێستا بڕیارمان نه‌داوه‌"

SATURDAY, 07 SEPTEMBER 2024 16:09:58

كه‌ركووك-KDP.info- گوته‌بێژی مه‌كته‌بی رێكخستنی پارتی له‌ كه‌ركووك ئاشكرایكرد، تا ئێستا هیچ بڕیارێك نه‌دراوه‌ بۆ به‌شداری پارتی له‌ كۆوبوونه‌وه‌كانی ئه‌نجوومه‌نی پارێزگاكه‌.

لە وەڵامی ڕاگەیەندراوەکەی یەکێتیی دا

سەرچاوەیەك بە ناوی یەكێتیی نیشتیمانیی كوردستانەوە، حزبەكەی بافڵ و قوباد، كە ڕاستتر وایە بڵێین تاقمی دوو براكەی دەباشان، ڕاگەیاندراوێكی بڵاوكردەوە كە بە نەفەسێكی زۆر شپرزە و نامەسئوولانە و هەست بە شەرم و شكستەوە نووسراوە، پڕیەتی لە درۆ و چەواشەكاری و تەجاوز، كە هەمووان چاك دەزانن ئەو دووە هی ئەو بەردە گەورانە نین !..

ئازاد جندیانی بۆ KDP:كه‌ مێژووی پارتی شی ده‌که‌یه‌وه‌ ئه‌وجار گرنگیەکەیت بۆ دەرەکەوێ

هەولێر-KDP.info- سیاسه‌تمه‌دارێکی كورد و یه‌كێك‌ لە کەسایەتییە شۆڕشگێر و نیشتیمانپه‌روه‌ره‌كان، كه‌ له ‌زۆرێك له‌ پرسه‌ نه‌ته‌وه‌ییه‌كاندا بیروبۆچوونی ڕوون و ڕاگەیەندراوی خۆی هه‌یه‌، باس له‌ ساڵیادی دامه‌زراندنی پارتی دیموكراتی كوردستان ده‌كات و ئه‌وه‌ ده‌خاته ‌ڕوو، كه‌ پارتی لە دامەزراندنیەوە مۆدێلێكی نوێی حزبسازی لە کوردستان داهێنا کە حزبێکی کوردستانییە.

شیرین فوئاد مەعسووم بۆ KDP: پارتی بە حزبی نیشتیمانپەروەران ناسراوە

ھەولێر-KDP.info- سیاسه‌تمه‌داری دیاری كوردستان شیرین فوئاد مەعسووم، باس لەوە دەکات کە پارتی دیموکراتی کوردستان لە کاتێکدا دامەزرا، ئومێد و ھەستانەوەی بە گەلی کورد بەخشی، بۆ ئەوەی ھەنگاوی باشتر بۆ داھاتوو بنرێت، ھەر بۆیە دامەزراندنی پارتی، پێویستییەکی حەتمی بوو بە ڕابەرایەتیی بارزانیی نەمر.