Kurdî  ■  كوردی  ■  عربي
FRI, 18 OCT 2024 09:54 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

دەتوانین دەنگی بەکۆمەڵمان گەورەتر بکەین
| KDP.info


زیــــــبا تـەهـــــــــــا

یه‌كێتی ئافره‌تانی كوردستان، رێكخراوێكه‌ هه‌میشه‌ له‌نوێبوونه‌وه‌ و گۆرانكارییدا، ئه‌مه‌ش له‌سۆنگه‌ی خۆگونجاندییه‌وه‌ سه‌رچاوه‌ ده‌گرێت كه‌ ده‌یه‌وێت له‌گه‌ڵ پێشهات و گۆڕانكارییه‌ چاوه‌رواننه‌كراوه‌كاندا، خۆی بگونجێنێت و پلان و نه‌خشه‌رێگه‌ی نوێی پێ بێت بۆ پێشكه‌وتن و په‌ره‌پێدانی توانا مرۆییه‌كانی ئافره‌تان.

لەکاتێکدا یه‌كێتیی ئافره‌تانی كوردستان نۆیه‌مین كۆنگره‌ی به‌سه‌ركه‌وتوویی ئه‌نجامدا، كه‌ ئافره‌تان و كۆمه‌ڵگه‌ به‌گشتی پێویستی به‌ توانا و هزری نوێ هه‌یه‌، و ده‌یه‌وێت به‌شێكی دانه‌بڕاوبێت له‌شه‌پۆلی نوێی خه‌باتی ئافره‌تان و ره‌وته‌ نوێخوازه‌كانی بزوتنه‌وه‌ی ئافره‌تان له‌ جیهان. هه‌وڵێکی دیکەی بەرچاوه‌ بۆ بره‌ودان به‌ پرسی یەکسانیی ره‌گه‌زی و نه‌هێشتنی جیاوازییه‌كان.

ده‌مه‌وێت لێره‌دا‌ تیشك بخه‌مه‌سه‌ر خاڵێكی جه‌وهه‌ری کۆنگرەی نۆیەمی یەکێتیی ئافرەتانی کوردستان، وەک بەڵگە لەسەر خۆبەخشی بێوچانمان بۆ دۆزی بەهێزکردنی ئافرەتان و پێشخستنی زیاتری یەکسانیی جێندەری لە کۆمەڵگەکەماندا دەخەمەبەرچاو. لە کۆنگرەدا زنجیرەیەک گفتوگۆ بەڕێوەچوون بەئامانجی چارەسەرکردنی ئەو پرسانەی ھێشتا رووبەڕووی ئافرەتان دەبنەوە لە ناوچەکەمان و تەنانەت جهیانیش. لە رێگەی ئەم گفتوگۆیانەوە، تێگەیشتنێکی قووڵتر لە ئاستەنگ و دەرفەتەکانی پێشەوە پەروەردە کرا، رێڕەوێک بۆ گۆڕانکارییەکی مانادار و بەردەوام داڕێژرا.

جگە لەمەش، کۆنگرەی نۆیەم سەکۆیەکی کراوەتر بۆ ئافرەتان لەسەرجەم کایە جیاوازەکان ده‌رەخسێنێت تا کۆببنەوە و ئەزموونەکانیان بەیەکەوە باس بکەن و پێوەندیی مانادار وەک بناغەیەک بۆ هاوکاری و هاوبەشیی داهاتوویان دروست بکەن، چونکە بە پەروەردەکردنی گیانی هاودەنگی و هاوکاری، دەتوانین دەنگی بەکۆمەڵمان گەورەتر بکەین و کاربکەین بۆ ئاییندەیەک کە هەموو ئافرەت و کچێک لە کوردستان دەرفەتی گەشەسەندن و گەیشتن بە توانای تەواوی خۆی هەبێت.

ئێستا کە ستافێكی نوێی سکرتاریەت دەستبەکاربووە، داوا لە هەر ئەندام و ئافرەتێک دەکەم بە بیرێکی کراوە و ئامادەیی گوێگرتن و فێربوون لە یەکتر گفتوگۆ بکەین، خاڵەھاوبەشەکان نزیکترمان بکاتەوە لە یەکتر، ئاشكرایه‌ كه‌ تەنھا لە رێگەی وەرگرتنی دیدگە و ئەزموونە جۆراوجۆرەکانمانەوە، دەتوانین بەڕاستی لە ئاڵۆزییەکانی ئەو پرسانەی کە لەبەردەستدان، تێبگەین و چارەسەری گشتگیر و کاریگەر پەرەپێ بدەین.

لە کۆتاییدا، دڵنیاین ئەنجامی کۆنگرەی نۆیەمی یەکێتیی ئافرەتانی کوردستان وەک بنەمایەک دەبێت بۆ گۆڕانکاریی ئەرێنی و زەمینە بۆ ئاییندەیەکی گەشاوەتر و دادپەروەرانەتر بۆ ئافرەتان لە هەرێمەکەمان خۆش دەکات. با پێکەوەش ئەم دەرفەتە بقۆزینەوە بۆ بزوێنەری پێشکەوتنی مانادار و دروستکردنی کۆمەڵگەیەک کە ماف و کەرامەتی هەموو ئافرەتێک بپارێزرێت و رێزی لێ بگیرێت، و بەوپەڕی خۆشحاڵیشەوە چاوەڕێی ده‌بین لەگەڵ هەموو تاكێك بەشداری گفتوگۆی بەرهەمدار و سودبه‌خش بكه‌ین تا پێكه‌وه‌ هه‌نگاوێكی نوێ له‌پێناو خزمه‌تی خاك و نیشتمانمان بنێین و به‌شێكی سه‌ره‌كی بین له‌سه‌ركه‌وتن و گۆرانكارییه‌ ئه‌رێنیەکانی كۆمه‌ڵگه‌كه‌ماندا.

 

*سکرتێری یەکێتی ئافرەتانی کوردستان




دوایین هەواڵەکان

پڕۆسەی دەنگدانی تایبەت بۆ هەڵبژاردنی خولی شەشەمی پەرلەمان بەڕێوەدەچێت

FRIDAY, 18 OCTOBER 2024 09:10:50

هەولێر-KDP.info- لە سەرلەبەیانی ئەمڕۆ هەینی كاتژمێر 7:00 لە سەرجەم ناوەكاندەكانی دەنگدان كە پێشتر ئامادەكرابوون، پڕۆسەی دەنگدانی تایبەت بۆ خولی شەشەمی پەرلەمانی كوردستان دەستی پێ كرد.

 
دوو خانەوادەی یەکێتی پەیوەندییان بە ڕیزەکانی پارتییەوە کرد

THURSDAY, 17 OCTOBER 2024 23:10:56

ھەولێر-KDP.info- ئەمڕۆ لە شاری ھەولێر دوو خانەوادەی دیاری یەکێتی نیشتیمانی کوردستان پەیوەندیان بە ڕیزەکانی پارتی دیموکراتی کوردستانەوە کرد و وازیان لە ڕیزەکانی یەکێتی ھێنا.

 

لە ئاکرێ و شێخان بە سەدان ئەندام و لایەنگری یەکێتی پەیوەندییان بە ڕیزەکانی پارتییەوە کرد

THURSDAY, 17 OCTOBER 2024 22:10:08

ئاکرێ-KDP.info- ئەمڕۆ لە سنووری ھەردوو لقی ئاکرێ و شێخان بەسەدان ئەندام و لایەنگری یەکێتی نیشتیمانی  کوردستان پەیوەندیان بە ڕیزەکانی پارتی دیموکراتی کوردستانەوە کرد و وازیان لە ڕیزەکانی یەکێتی ھێنا.

 

سەرۆکی ھەرێم پێشوازی لە بڕیاری درێژکردنەوەی ماوەی مانەوەی ھێزەکانی ئەڵمانیای لە عێراق کرد

THURSDAY, 17 OCTOBER 2024 22:10:22

ھەولێر-KDP.info- سەرۆکی ھەرێمی کوردستان پێشوازی لە بڕیاری درێژکردنەوەی ماوەی مانەوەی ھێزەکانی ئەڵمانیای لە عێراق کرد و جەختیشی کردەوە کە ھێشتا داعش ھەڕەشەیەکی گەورەیە بۆ سەر عێراق و ناوچەکە.

 

نێچیرڤان بارزانی: داهاتووی کوردستان ئه‌مانه‌تی ده‌رچووانی زانکۆیه

THURSDAY, 17 OCTOBER 2024 21:10:35

دھۆک-KDP.info- ئێوارەی ئەمڕۆ پێنجشەممە ١٧-١٠-٢٠٢٤ لە دھۆک نێچیرڤان بارزانی، سەرۆکی ھەرێمی کوردستان، بەشداری لە ڕێوڕەسمی بیست و نۆیەمین خولی دەرچووانی زانکۆی دھۆک کرد کە ژمارەیەک لە بەرپرسانی حکوومەتی ھەرێمی کوردستان و مامۆستایانی زانکۆ و کەسایەتییانی ئەکادیمی و کەسوکاری قوتابیانی دەرچوو تێیدا ئامادەبوون.

 



 
© 2023 Kurdistan Democratic Party, KDP

Contact