کاندێکی لیستی ١٩٧ی پارتی ئاماژەی بۆ ئەوەکرد، پارتی کارنامەی خۆی بۆ ئەنجوومەنی پارێزگای نەینەوا هەیە و کاندیدانی پارتی هیچ بەڵێنێک بەدەنگدەرانی نادەن تەنیا بەکردار خزمەتیان دەکەن.
سۆزان جەمیل، کاندیدی ژمارە 12ی لیستی پارتی لە نەینەوا بەمالپەری فەرمیی پارتی دیموکراتی کوردستانی راگەیاند" لیستی 197ی پارتی تا ئێستا لەناو جەماوەری پارێزگای نەینەوا خاوەن زۆرترین هەوادارە و هەموو هەولێکیش بۆ بەدەست هێنانی زۆرترین دەنگی دەنگدەرانی پارێزگاکە دەکەین بۆ لیستەکەمان، چونکە لیستی 197جێی ئومێدی خەڵکی ناوچەکەیە بۆ ئایندە.
کاندیدەکەی پارتی گوتی" پارتی بەکارنامەیەکی گشتگیر بەشداری هەڵبژاردنی ئەنجوومەنی پارێزگای نەینەوا کردووە و کاندیدانی پارتیش هێیچ بەڵێنێک بە دەنگدەرانی نادەن بەپێچەوانەوە بەکردار خزمەتیان دەکەن.
سۆزان جەمیل ئاماژەی بۆ ئەوەکرد" لە سۆنگەی باوەربوون بە مافەکانی ئافرەتان و بۆ زیاتر خزمەت کردنیان رێژەی 25٪ی کاندیدانی لیستی پارتی بۆ ئەنجوومەنی پارێزگا ئافرەتن و لە ئەنجوومەنی داهاتووی پارێزگای نەینەوا هەموو ئەو خالانەی نێوکارنامەی لیستی پارتی دەکەینە کردار بۆ زیاتر ئاوەدانی و ئارامی و خۆشگوزەرانی دانیشتوانی نەینەوا.
قائید میرۆ