کەرکووک_KDP.info_ کاندیدی ژمارە 30 لە لیستی 197ی پارتی دیموکراتی کوردستان بۆ ئەنجوومەنی پارێزگای کەرکووک گوتی: پارتی بە ئاڵای کوردستانەوە گەراوەتەوە بۆ کەرکووک و زۆریش بەهێزە، بۆیە بەربەست بۆ کاندیدانی پارتی دروست دەکرێت و کۆمسیۆنیش لایەنگری پێوە دیارە، بەڵام ئەمە ئێمە ساردناکاتەوە و گەرموگوڕتر بانگەشە دەکەین بۆ ئەوەی زۆرترین کورسی بەدەست بێنین و لەو ڕێگەیەوە خزمەتی خەڵکی شاری کەرکووک بکەین.
ئاهەنگ ئەنوەر جەبار ، کاندیدی ژمارە 30 لە لیستی 197ی پارتی دیموکراتی کوردستان بۆ ئەنجوومەنی پارێزگای کەرکووک، بۆ ماڵپەڕی فەرمیی پارتی دیموکراتی کوردستان گوتی: ئێمە بەردەوامین لە بانگەشە بۆ لیستی 197ی پارتی دیموکراتی کوردستان لە کەرکووک و زیاتر بەشێوەی مەیدانی بانگەشە دەکەین، بەڵام بەداخەوە پێشێلکاری بەرامبەر بە کاندیدانی پارتی دیموکراتی کوردستان بەردەوامی هەیە لە دڕاندن و لێکردنەوەی وێنە و پۆستەرەکانی کاندیدانی پارتی، بەداخەوە کۆمسیۆنیش لایەنگری پێوەدیارە و کاندیدانی پارتی لە هەر شوێنێک وێنە و پۆستەر دانێن کۆمسیۆن بە نایاسایی دادەنێت لەکاتێکدا لایەنەکانی دیکە لە هەر شوێنێک دانێن بۆ ئەوان کێشە نییە، بۆیە تەنها کاندیدانی پارتی دەکرێنە ئامانج.
ئاهەنگ ئەنوەر جەبار گوتیشی: ئەوەی دەشکرێت دژی کاندیدانی پارتی بۆ ئەوە دەگەرێتەوە کە پارتی گەڕاوەتەوە بۆ کەرکووک بەئاڵای کوردستانەوە دژایەتی دەکرێت ، چونکە دەزانن خەڵک بە گەڕانەوەی پارتی دڵخۆشن و گەڕانەوەی پارتی بۆ ئەو شارە گەڕانەوەی کەرامەت و شکۆیە بۆ شارەکە ، بۆیە بەرنامەیەکی باشیشمان هەیە لەئایندە خزمەت بە خەڵکی کەرکووک بکەین و هەموو پێکهاتەکان پێکەوە بە ئارامی بژین بێ جیاوازیکردن، هەر بۆیە لایەنەکانی دیکە ترسێکیان لە پارتی هەیە کە سەرکەوتنی گەورە بەدەست دێنێت، هەر بۆیەش بەو شێوەیە دژایەتی پارتی دەکرێت ، بەڵام ئەوە ئێمە سارد ناکاتەوە و ئێمە بەردەوام دەبین لەپێناو خەڵکی بەشەرەفی کەرکووک .
بڵند ئیبراهیم