Kurdî  ■  كوردی  ■  عربي
FRI, 18 OCT 2024 12:14 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

د. هەوار: خەڵک چاوی لە دهۆکە.. کۆڕبەندەکە مەسجێکی گەورەیە
| KDP.info


دهۆک-KDP.info- ئەمساڵ پارێزگای دهۆک باوەشی بۆ گەورەترین کۆڕبەندی ساڵ کردووەتەوە، کە چوارەمین گەڕی کۆڕبەندی ئاشتی و ئاسایشی ڕۆژهەڵاتی ناڤینە و زانکۆی ئەمریکی- کوردستان لە دهۆک لە ژێر دروشمی (نۆژەنکردنەوە و پێداچوونەوە و خۆڕاگریی پاشەڕۆژی ڕۆژهەڵاتی ناڤین) دەستی پێکردووە.

وەک هەمیشە دەستپێکردنی کۆڕبەندەکە بە چەندین وۆرکشۆپی تایبەت لە لایەن کەسانی شارەزای سیاسی لەسەر ئاستی جیهان دەربارەی ئاسایشی ناوچەکە و سیاسەت و گۆڕانی کەشوهەوا و بابەتە ستراتیژییەکان بەڕێوە دەچن.

لە کۆڕبەندەکەدا، زیاتر لە ٨٥٠ کەس لە ٥٠ وڵاتی جیاوازەوە بەشدارن و لەسەر پرسە جیاوازەکان گفتوگۆ دەکەن، تا ئێستاش ١١ وۆرکشۆپ بەڕێوە چوون و بڕیارە ئەمڕۆ و سبەی ١٨ پانێڵی جیاواز بەڕێوە بچن.

بە گوتەی شارەزایان، ئەم کۆڕبەندە دەبێتە پلاتفۆڕمێک بۆ گفتوگۆکردنی هەموو کێشە تایبەتەکان و سەرجەم سیاسەتمەدار و پسپۆڕ و رۆژنامەنووس و شارەزایانی هەموو بوارەکان لە دهۆک کۆدەبنەوە و باس لە پرسی ئاسایش و سیاسەت و ئابووریی ناوچەکە دەکەن.

لە کۆڕبەندەکەدا دۆخی نێوخۆیی هەرێمی کوردستان و پەیوەندییەکانی لەگەڵ عێراق و دۆخی تایبەتی عێراق و ناوچەکە گفتوگۆ دەکرێت و، هەروەها کاریگەریی دۆخەکە لەسەر جیهان و ڕووداوەکانی جیهانیش لەلایەن سیاسەتمەدارانی کورد و عێراق و جیهانەوە شرۆڤە دەکرێن.

لەو بارەیەوە، د. هەوار نێروەیی، مامۆستای زانستە سیاسییەکان لە زانکۆی دهۆک پێی وایە، ئەم کۆڕبەندە لەم کات و ساتەدا گرنگییەکی زۆری هەیە، لەبەر ئەوەی ئێستا ڕووداوە گرنگەکان لە جیهان و عێراقدا ڕوودەدەن و خەڵک چاوی لە دهۆکە.

نێروەیی دەشڵێ، هاتنی ئەم سەرکردانە بایەخەکەی لەوەدایە، کە بە چاوی خۆیان دەبینن هەرێمی کوردستان ئارامە و دواتر دەبێتە دەرفەتێک تا خەڵک زیاتر سەردانی ئەم ناوچەیە بکەن، کە جیۆپۆلەتیکی ئەم ناوچەیە گرنگە لەبەر ئەوەی هاوسنوورە لەگەڵ چەندین وڵاتی نێودەوڵەتی وەک عێراق، تورکیا و سووریا.

بە بۆچوونی ئەو، دهۆک لە مێژووی سیاسیی ناوچەکەدا گرنگییەکی گەورەی هەیە و ڕۆڵی گرنگی سیاسیی گێڕاوە و بانکێکی گەورەی پرۆسەی دەنگدان و ڕاکێشانی خەڵکە بۆ ئەم ناوچەیە لە رووی خزمەتگوزاری و وەبەرهێنان و ئاوەدانکردنەوەوە.

وەک د. هەوار نێروەیی بۆ ماڵپەڕی فەرمیی پارتی دیموکراتی کوردستان ئاماژەی دا، هاتنی ئەکادیمیسیەن و پسپۆڕ و سیاسەتمەداران بۆ گفتوگۆکردنی مژارە جیاوازەکان، دەبێتە سەردێڕی رۆژنامەوانیی نێودەوڵەتی و ئەمەش دەبیتە هۆی ئەوەی دهۆک وەک شارێکی گرنگی کۆکەرەوەی سیاسەتمەداران بناسرێت، کە ئەمەش هەنگاوێکە بۆ ئەوەی چاوی زیاتری سیاسەتمەداران لەسەر دهۆک بێت.

گوتیشی: ''دهۆک شاری پێکەوەژیانە و دەرگای کردووەتەوە بۆ پسپۆڕ و شارەزایانی سیاسی تا گفتوگۆ لەسەر هەڕەشەکان لەسەر ئاسایش و ئاشتی بکەن، چونکە ئێستا گۆڕانکارییەکان لەسەر رۆژهەڵاتی ناڤین چڕ بوونەتەوە".

هەبوونی ئەم جۆرە کۆنفڕانسانە بە بڕوای د. هەوار، واتای سەقامگیربوونی هەرێمی کوردستانە و دەلالەتی ئەوەیە خەڵک متمانەی بە ئاسایشی هەرێمی کوردستانە، ئەمەش ئارامییەک دەداتە ئەو پێکەوەژیانە نەتەوەیی و ئایینییەی کە هەیە، بێگومان مەسجێکی گەورەشە بەوەی لە ڕووی تیۆرییەوە کوردستان ئەمنیەتی جودایە لە عێراق، چونکە دۆخی کوردستان سەقامگیرترە لە ناوچەکەدا.

 

کـــاروان بـــاعەدری

 




دوایین هەواڵەکان

جێگری پارێزگار: له‌ هەڵەبجە دەسەڵات لە کۆمیسیۆن وەرگیراوەتەوە.. لێی بێدەنگ نابین

FRIDAY, 18 OCTOBER 2024 11:10:49

هەڵەبجە-KDP.info- جێگری پارێزگاری هەڵەبجە دەڵێت: چەندین پێشێلکاری بە ئاشکرا و بەشێوازی پلان بۆ داڕێژراو دەکرێن. گوشار لە هێزەئەمنییەکان دەکرێت بە وێنە بیسەلمێنن کە دەنگیان بەکێ داوە. 

 
عەلی تەتەر باسی پرۆسەی دەنگدانی تایبەت لە پارێزگای دهۆک ده‌كات

FRIDAY, 18 OCTOBER 2024 11:10:10

دهۆک-KDP.info- پارێزگاری دهۆک ڕایدەگەیەنێت، پرۆسەی دەنگدانی تایبەت بۆ هێزە ئەمنی و سەربازییەکان لە پارێزگای دهۆک بە شێوەیەکی ئارام و ئاسایی و بێ کێشە بەڕێوە دەچێت، هیوای خواست تا تەواوبوونی پرۆسەکە، هیچ کێشەیەکی تەکنیکی ڕوو نەدات."

 
سیهاد بارزانی: بۆ پاراستنی کوردستان بە خوێن بێت یان پەنجەمۆر ئامادەین

FRIDAY, 18 OCTOBER 2024 10:10:39

هەولێر-KDP.info- فەرماندەی هێزەکانی پشتیوانیی یەکی هێزەکانی پێشمەرگە داوا لە هەموو هاونیشتمانیان و هێزە ئەمنییەکان دەکات دەنگ بدەن. "رۆژێکی یەکلاکەرەوەیە بۆ دەنگدان و پێدانەوەی شەرعییەت بە حکوومەت و پەرلەمانی کوردستان."

 
بەرپرسێکی کۆمیسیۆن: ژمارەیەک سکاڵا لەسەر سەرپێچییەکان تۆمار کراون

FRIDAY, 18 OCTOBER 2024 10:10:55

هەولێر-KDP.info- بەرپرسی دەستەی هەڵبژاردنەکانی هەرێمی کوردستان لە کۆمیسۆنی هەڵبژاردنەکانی عێراق ڕایگەیاند، "ژمارەیەک سکاڵا لەسەر سەرپێچییەکان، لە بنکەکانی دەنگدان تۆمار کراون و هەر لایەنێک بەڵگەی پێ بێت، دەتوانێت سکاڵا تۆمار بکات". 

 
پڕۆسەی دەنگدانی تایبەت بۆ هەڵبژاردنی خولی شەشەمی پەرلەمان بەڕێوەدەچێت

FRIDAY, 18 OCTOBER 2024 09:10:50

هەولێر-KDP.info- لە سەرلەبەیانی ئەمڕۆ هەینی كاتژمێر 7:00 لە سەرجەم ناوەكاندەكانی دەنگدان كە پێشتر ئامادەكرابوون، پڕۆسەی دەنگدانی تایبەت بۆ خولی شەشەمی پەرلەمانی كوردستان دەستی پێ كرد.

 


 
© 2023 Kurdistan Democratic Party, KDP

Contact